Бахархошкара, къаьстта ЖКХ оагӏонца дувзаденна, хаттараш дукха хилар белгалдир мехкарча ЦУРе
04.05.2026 11:44
Дӏадахача кӏира бахархошкара хаттараш геттара дукха хиннилга белгалдир ЦУРе. Ма дарра аьлча, 116 дехар да кхаьчар, хьалхарча кӏира хиннарел 57 процент дукхагӏа да уж.
«ЖКХ дувзаденна да дукхагӏа дола хаттараш. Укх тӏехьарча ворхӏ дийнахьа хинна кхоачамбоацараш ЖКХ оагӏонца хоттам болаш да бахархой», - дийцар «Сердалога» ЦУРе.
Бахархошкара кхаьча хӏара дехар цу оагӏонцарча балхах болча къахьегамхошка дӏакхоачаргда, ма хулла сихагӏа де дезачунга хьожаргболаш.
«Госуслуги. Цхьана тоадергда вай» яхача кӏийленга гӏолла дита йиш я ший дехар, иштта вахара оагӏонашкарча цу моттигий керттерча сайташка а.
