Герз теха хиннача Гӏалгӏайчен вахархочун гӏулакх дӏадахьийтар юкъарча судага
25.02.2026 15:56
Эбарга-Юртара вахархо суда хьалхашка оттаргва, сага зулам дарах, яхаш, хоам бу «Сердало газетага ГӏР тӏахьожама боахаме.
ГӏР Наьсарен кхален прокуратуро бехк беш дола уголовни гӏулакх чӏоагӏдир 34 шу даьннача моттигерча вахархочунна духьала.
«Тохкама балхо яхачох, 2025 шера лайчилла бетта 2-ча дийнахьа, Яндаре машинаш лелача моттиге, цӏаьхха, дов даьнна; ший хиннача фусам-наьна вешийна кхозза травматически тепча техар. Из бахьан долаш цу сага йоккха йоаца чов хилар», - йоах хоамо.
Уголовни гӏулакх дӏадахьийтар тахкара, ГӏР №7 йолча суда даькъ тӏарча юкъарча судага.
