Шолжа кхален депутаташ саготагӏча дешашка хьожаш ба
Шолжа кхален Кхела дупутаташ кхоачшдеш ба, юртахой керттера хаттараш. Шовзткъеи кхоалагӀа кхоалагӏа кхетаче дӀахьош, цу тайпара пхи хаттар дийцар.
Кхетачен доакъашхой хьежар ДаьттагӀерча администраце, депутаташа юртара хьал тоадара бюджетера доаца ахча, инвестицеш юкъеяхара малагӀа болх баьб. Доал деча даькъ тӀарча кулгалхочо дийцар тӀехьара тӀа дола хьалаш юкъедахар гӏулакх мишта латт.
Кхетаченна чудоагӀаш, депутатий Кхело чӀоагӀдир, ГӏалгӀайчен Шолжен доал деча даькъ тӀа бахархой кхетаче дӀаяхьар, цига дувцаргдолаш Ӏаьдала болхлоша, бахархоша бувзам лелабара дош.
Дӏахо цига дакъа лоацаш хиннараша Шолжа кхален депутатий Кхело 2022 шера лайчилла бетта 30-ча дийнахьа баьча №49/5-4 йолча соцама кердадараш юкъедаьхар, уж доагӀаш дар бахархой конференцеш, кхетаченаш дӀаяхьара, цига дувцаргдолаш, тохкаргдолаш проекташ юкъеяхара хаттараш.
Цунца цхьана, цхьацца дола хувцамаш юкъедаьхар Шолжа кхален доал деча даькъ тӀарча ӏаьдала Соцама, уж декхарийла оттабу балха говзал лакхъяра.
Кхетаче чакхйоалаш, депутаташа йийцар ГӏалгӀай Республикан законий проекташ, цу юкъе - ГӏалгӀай Республикан, «Шолжа кхален» доал дара даькъ тӀарча администраце ахчан хьал леладар. Кхела доакъашхошта ловш хилар хувцамаш юкъедаха Соцама 1-ча статьяй 12-ча пункта, ахчан урхаллен юридически адрес техкачул тӀехьагӀа.
