США почтови посылкаш дӏакхоачийтаргья мехкахошка
США посылкаш вай мехкахошка хьакхоачаш хургья хӏанзчул тӏехьагӏа. 2022-ча шера соцадаь хинна РФ почтови импорт лоаттаяра гӏулакх юха дӏадоладаьд, укх шерарча бӏаьстан тӏехьарча бетта.
Таханарча дийнахьа хьалхара посылкаш хьакхаьчай вай мехка. «Транзитни» оалача рейсашца хьакхоачаш я хӏамаш. Вай мехкарча РФ почтови бувзама Федеральни моттиге тхога дийцачох, хьалхагӏа США почтови импорт бетта 50 т кхоачаш хулар. Электоронни коммерце хӏамаш хулар уж дукхагӏа: барзкъаш, маьчеш, электорника, БАДаш.
Иштта 2024-2025-ча шерашка экспортаца хӏама дӏакхахьийтарах США хьалхарча моттиге латташ яр. Дӏадахача шерашка экспорта берригача боарама пхелагӏа дакъа вай мехкаца бувзам болаш хулар. 2025-гӏа шу йистедоалача хана; «Совгӏат», «Каьхаташ», «Коммерчески оагӏув» яхача мугӏаре США посылкаш хьакхахьийтар юха меттаоттадир Россе Почто.
Белгалде деза, Россе Почтаца корреспонденци, 163 мехка посылкаш дӏакхахьийта аьттув болга, царна юкъе я: Китай, Ази, Латински Америка, США, Европ, Юхера Малхбоале, Африка.
