Веннача СВО Гӏалгӏайчера бӏухочун йоӏ дакъа лоацаш хургья «Турпалхой дагалоаттам лорабеш» яхача яхье
Лаьрххӏа тӏема операци дӏахьош веннача бӏухочун йоӏ Налганаькъан Рианна ший байташ еша лаьрхӏа я «Турпалхой дагалоаттам лорабеш» яхача Ерригроссийски кхоллама яхье, яхаш, дийцар «Сердало» газетага «Даьхен лорабой» ганзе.
«Гӏалгӏайчен 10 шу даьнна яхархо «Ше язъяь байт» яхача даькъа чуйоагӏаш я. Яхье цо ешаргья ше язъяь байт, из хетаяь я ший хьамсарча даьна, иштта Даьхе лораеш латтарашта. Хӏара мугӏаре цо гойт ший веннача даьцара безам, бера гӏайгӏа, даьх доаккхал дар. Из кхоллама оагӏув кхоачашъеш я «Даьхен лорабой» яха Паччахьалкхен ганз. Цун маӏан да СВО бӏухоех бола исторически дагалоаттам лорабар, кхувш йоагӏача тӏехьен Даьхенцара безам сомабаккхар. Яхьа чаккхе ергья федеральни боарам тӏа, дикагӏа дакъа лаьца доакъашхой чубоагӏаш хургба лаьрххӏача электронни гуллама», - аьлар паччахьалкхен урхаллене.
«Вай бейнача бӏухой берий кхоллам - из ба боккха дег чура безам.
Вай доаккхал ду цар иштта шоашта хетар байташка а, кхыча кхоллама балхашка гӏолла а хьагойта низ кхоачаш хиларах.
Цу тайпара начӏал дола бераш хьаллацар ганза филиала декхар да», - аьлар «Даьхен лорабой» ганза моттигерча филиала кулгалхочун гӏончас Барханой Лиляс.
