ГIалгIай Республика Мехкдас муниципальни образоване керте оттарий даржашка кандидатураш хьалхаленца тахкара а муниципальни образоване представительни органа йовзийтара а хьакъехьа

ТIаийцад

ГIалгIай Республика

Халкъа Гуллама                             2025 шера оагIой бетта 25 ди

Статья 1. ДIа-хьа нийсдара предмет

«Публични Iаьдала цаI йолча системе моттигера шедоалдар вIаштIехьдаккхара юкъарча принципех долча» 2025 шера тушола бетта 20 дийнахьарча №33-ФЗ йолча Федеральни закона 19 статьяйца а (дIахо – Федеральни закон) укх Законаца а нийса дIаоттаю ГIалгIай Республика Мехкдас муниципальни образоване керте отта ловрий кандидатураш хьалхаленца тахкара а, муниципальни образоване представительни органа йовзийтара а аргIа.

Статья 2. ГIалгIай Республика Мехкдас муниципальни образоване керте отта ловрий кандидатураш хьалхаленца тахкара аргIа;

1. Муниципальни образоване керте отта ловш болчар кандидатурех хетараш (дIахо – кандидатурех, кандидатурах хетараш) Мехкдаьга дIаяла бокъо йолаш я Iобелгалъяь организацеш (дIахо иштта – хьалхататтара субъекташ):

1) Российски Федераце Федеральни Гуллама Паччахьалкхен Дума гарггача хана хиннача хоржамий официально кепатехача чаккхений кIийлен тIа кандидатий федеральни депутатски мандаташ дIа-хьа декъа мукъабенна йола политически партеш, ГIалгIай Республикера цу тайпарча политически партей региональни отделенеш;

2) ГIалгIай Республика Халкъа Гулламе белгалдаь хетараш ГIалгIай Республика Мехкдаьга дIалуча денга болх беш йола депутатски мандаташ дIа-хьа декъа тIайита кандидатий спискаш, ГIалгIай Республикера цу тайпарча политически партей региональни отделенеш;

3) Ассоциаци «ГIалгIай Республика муниципальни образованей Совет»;

4) ГIалгIай Республика Юкъарлен палата;

5) Ассоциаци «Моттигера шедоалдар дегIакхувлара Ерригроссийски ассоциаци».

2. Керте оттарий кандидатурех хетараш дIаэцара хан-йовкъехи уж тахкара аргIахи бола хоам чуоттабарахи йола аргIа дIачIоагIъю ГIалгIай Республика Мехкдаь Указаца.

3. Хьалхататтара субъекта ГIалгIай Республика Мехкдаьга хетар дIалу Федеральни закона 19 статьяйца белгалдаьча дIадехарашта жоп луш болча шиннел дукхагIа боацача кандидатех.

4. Муниципальни образоване керте оттара дарже могабе йиш яц, белгалдаьча дарже оттабе бокъо йоаца нах.

5. Федеральни закона 19 статьяс, укх Законас белгалдаь дIадехараш толхадеш хьалхатетта кандидатураш ГIалгIай Республика Мехкдас ца тохкаш ютт.

6. Кандидатурех хетараш дIаэца доладу муниципальни образоване керте латтачун полномочеш йистеяла 60 календарни ди диссача, нагахьа санна муниципальни образоване керте латтачун полномочеш ханал хьалха соцаеш хилча – полномочеш йистеяьнна 10 календарни ди даьлча.

Хетараш дIаэца доладаьча дийнахьа денз 30 ди доалача ханачухь дIаэц кандидатурех дола хетараш.

Кандидатурах долча хетарца дIатох шоай перечень ГIалгIай Республика Мехкдаь Указаца дIачIоагIдяь дола документаш.

7. ГIалгIай Республика Мехкдас кандидатураш тахкара чаккхенашца кандидатурех (шиннел кIезигах боацача) соцам тIаэц муниципальни образоване представительни органага хетараш дIаденнача дийнахьа денз 20 календарни ди доалача ханачухь.

Статья 3. ГIалгIай Республика Мехкдас муниципальни образоване керте оттарий кандидатураш представительни органага дIаялара аргIа

1. Укх Закона 2 статьяй 7 даькъа тIа белгал ма дарра, ГIалгIай

Республика Мехкдас соцам тIаийца 5 календарни ди доалача ханачухь муниципальни образоване представительни органага муниципальни образоване керте отта ловш харжа безача кандидатий цIераш дIалу.

Нагахьа санна муниципальни образоване керте латтачун полномочеш ханал хьалха соцаеш хилча, ГIалгIай Республика Мехкдас кандидаташ бовзийт полномочеш йистеяьнна 70 календарни ди доалача ханачухь, хIаьта муниципальни образоване представительни органа полномочей хан-юкъ ялх беттал кIезигах йисса хилча, – муниципальни образоване представительни орган правомочни оттаме хержа 70 календарни денал тIехьа а ца доаккхаш.

2. Муниципальни образоване представительни органо муниципальни образоване керте латтар харжарах дола дош дувца оттадича, укх статьяй 1 даькъе белгалбаь кандидаташ ГIалгIай Республика Мехкдас е цо викал ваьча даржерча саго бовзийт.

3. Нагахьа санна ГIалгIай Республика Мехкдас муниципальни образоване керте оттара белгалбаьрех цхьаккха а кандидат муниципальни образоване представительни органо хьа ца хоржаш витача, хьалхататтара субъектий бокъо я ГIалгIай Республика Мехкдаьга керда кандидатураш дIаяхьийта муниципальни образоване керте латтарах дола дош дийца муниципальни образоване кхетаче дIайихьа 20 календарни ди доалача ханачухь. Кандидатурех хетараш ГIалгIай Республика Мехкдаьга дIадалари царга хьажари кхоачашду укх Законо белгалъяьча аргIанца нийса.

4. ГIалгIай Республика Мехкдас укх статьяй 3 даькъаца нийса муниципальни образоване представительни органага дIалу, муниципальни образоване представительни органа керте отта ловрий шиннел кIезигах боацачар кандидатураш, муниципальни образоване представительни органо муниципальни образоване керте латтар харжарах дола дош дийца кхетаче хинна 60 денал тIехьа а ца доаккхаш.

Статья 4. Чаккхен положенеш

Ер Закон низаца чIоагIденна болх долалу, ер официально кепатеха цхьа ди чакхдаьннача денз.

ГIалгIай Республика

Мехкдаь декхараш кхоачашдер                                      Сластенин В.В.

г. Магас

2025 шера «29» ди оаг1ой бетта

№ 43-рз