«ГIалгIай Республика граждански оборонах долча» ГIалгIай Республика Закона хувцамаш  юкъедахьара хьакъехьа

ТIаийцад

ГIалгIай Республика

Халкъа Гуллама                         2025 шера оагIой бетта 23 ди

 Статья 1

«ГIалгIай Республика граждански оборонах долча» 2017 шера  оагIой бетта 5 дийнахьарча №48-РЗ йолча ГIалгIай Республика Закона (Официальни бокъон хоама интернет-портал (www.pravo.gov.ru), 2017 шера оагIой бетта 7 ди; интернет-газет «ГIалгIайче» (www.gazetaingush.ru), 2020 шера оагIой бетта 18 ди; 2021 шера оагIой бетта 2 ди; 2023 шера тушола бетта 2 ди) юкъехьо Iобелгалдаь хувцамаш:

1) преамбуле дешаш «тIема къовсамаш эттача хулаш е уж къовсамаш оттарах хулаш, иштта Iаламан а техногенни а чоалхане хьалаш хилча» хувца дешашца «мобилизаци йолча хана, тIема хьал долча хана, тIема хана хилча хулаш дола (дIахо – кхерамаш)»;

2) 2  статье:

а)  2 пункте дешаш «, тIема къовсамаш эттача хулаш е уж къовсамаш оттарах хулаш, иштта Iаламан а техногенни а чоалхане хьалаш хилча» дIадаха; 

б) 3 пункт Iобелгалъяьча редакце дIаязъе:

«3) бахархошта эвакуаци яр, рузкъани культурнии маьхалаш лораяр;»;

в) 6 пункте дешаш «бахархошта тIема къовсамаш эттача  хулаш е уж къовсамаш оттарах хулаш, иштта Iаламан а техногенни а чоалхане хьалаш хилча» дIадаха; 

г) 7 пункт Iобелгалъяьча редакце дIаязъе:

«7) кхерамаш эттача хьешамаш хиннача бахархошта хьалхарча аргIанца вахара эшарий кхоачо яр;»;

д) 8  пункт Iобелгалъяьча редакце дIаязъе:

«8) кхерамаш оттар бахьан долаш яьнна цIераш дIайоаяра къовсам лоаттабар;»;

е) 11 пункте дешаш  «тIема къовсамаш эттача хулаш е уж къовсамаш оттарах хулаш, иштта Iаламан а техногенни а чоалхане хьалаш хилча» хувца дешашца «кхерамаш оттара бахьан долаш»;

ж) 14 пункте дешаш «тIема къовсамаш эттача хулаш е уж къовсамаш оттарах хулаш, иштта Iаламан а техногенни а чоалхане хьалаш хилча»  хувца дешашца «кхерамаш оттарах»;

3) 4 статье:

а)  2 даькъе дешаш «тIема къовсамаш эттача  хулаш е  уж къовсамаш оттарах хулаш, иштта Iаламан а техногенни а чоалхане хьалаш хилча хулаш дола» дIадаха;

б) 3 даькъе:

цхьоалагIча абзаце дешаш «тIема къовсамаш эттача хулаш е уж къовсамаш оттарах хулаш, иштта Iаламан а техногенни а чоалхане хьалаш хилча хулаш дола» дIадаха;

шоллагIча абзаца тIатохар де дешашца «граждански оборонах дола декхараш дашхара кхоачашдара Iаьдала федеральни органа кулгалхочун лоIамах» дIадаха;

в) тIатохар де Iобелгалбаь чулоацам болча 5 даькъаца: 

«5. ГIалгIай Республике граждански оборона лелаяр дIадолалу ГIалгIай Республика Мехкдас  ГIалгIай Республике граждански оборона  а биззача боараме е цхьан даькъе бахархой лорабара йола План болх бе йолаярца, граждански оборонах дола декхараш дашхара кхоачашдара Iаьдала федеральни органа кулгалхочун лоIамах.»;

г) тIатохар де Iобелгалбаь чулоацам болча 6 даькъаца: 

«6. Российски  Федераце Президента граждански оборона а бахархой лорабара а План болх бе йолайича Российски Федераце доазон тIа е цун къаьсттача моттигашка граждански оборона мероприятеш Российски Федераце субъекташка  кхоачашъю белгалъяьча планаца нийса.»;

4)  5 статья  Iобелгалъяьча редакце дIаязъе:

«Статья 5. Граждански оборона организацеша а урхалдара органаша а, граждански оборона низаша, федеральни органий доазон органаша  кхоачашдара органаша, ГIалгIай Республика паччахьалкхен  кхоачашдара Iаьдала органаша, моттигерча шедоалдара органаша беча балха координаци яр

1. Кхоачашдара Iаьдала федеральни органий доазон органаша, моттигерча шедоалдара органаша а организацеша а беча балха координаци яр, белгалъяьча органаша а организацеша граждански оборонах йола мероприятеш кхоачашду ГIалгIай Республика чоалхане хьалаш ца хилийтара а хиннарех даьнна зе дIадаккхара йолча цIера кхерамзле Iалашъяра йолча «Бахархои доазонаши Iаламан а техногенни а чоалханерча хьалех лорадарах долча» 1994 шера оагIой бетта 21 дийнахьарча №68-ФЗ йолча Федеральни законаца нийса вIашагIъеллача комиссено».

2.  ГIалгIай Республика граждански оборона низашта а средствашта а урхалдара органий къахьегама координаци яр, ГIалгIай Республика паччахьалкхен Iаьдала органаша кхоачашдара Iаьдала органашца,   ГIалгIай Республика  моттигерча шедоалдара органашца а организацешца а хоам бара даькъе кхоачашдара Iаьдала федеральни органаца цхьана къахьегара, граждански оборона даькъе декхараш доашхача хана, иштта федеральни Iаьдала доазон органо кризисни хьалашта урхалдара йолча центро эттача  граждански оборона хьакъехьа соцамаш тIаэцача хана, хоам барца хьаллацар кхоачашду граждански оборона даькъе къахьега викал яьча кхоачашдара Iаьдала федеральни органо оттаяьча аргIанца нийса.»;

5)   8 статьяй  5 пункт Iобелгалъяьча редакце дIаязъе:

«5) бахархошта эвакуаци яра мероприятешта кийчо яр кхоачашду,  рузкъани культурнии маьхалаш лораде  кийчо еш а лорадеш а болх дIахьу,  хьешам хиннача бахархошта хьалхарча аргIанца кхоачо яра ца хилча яргйоаца дарбани кхыйолеи учрежденеш дIаоттаю;»;

6) 9 статьяй  4 пункт Iобелгалъяьча редакце дIаязъе:

«4) бахархошта эвакуаци яра мероприятешта кийчо яр кхоачашду,  рузкъани культурнии маьхалаш лораде кийчо еши лорадеши болх дIахьу;»;

7) 10 статьяй 2 даькъа цхьоалагIча абзаца тIатохар де дешашца «шоай болхлой таьрахьах граждански оборона мероприятеш дIахьош дакъа лацара а наьха вахараи могашалаи зе дергдоаца ца дича даргдоаца балхаш деш чоалхане хьалаш дIадоахача хана»;

8)  13 статьяй 2 пункт Iобелгалъяьча редакце дIаязъе:

«2) граждански оборона даькъе декхараш кхоачашде викал яь кхоачашдара Iаьдала федеральни органа доазон орган;»;

9) 14 статье:

а) 3 дакъа Iобелгалъяьча редакце дIаязде:

«3. Штате йоаца аварийно-спасательни формированеш юкъеоз кхерамаш эттача граждански оборона даькъе декхараш кхоачашде граждански оборона а бахархой лорабара а планашца нийса бахархой лорабара а аргIа йолча доазон тIа граждански оборона кулгалдеш волча даржерча сага соцамах.»;

б) 4 даькъе дешаш «чоалханера хьалаш ца хилийтараи хиннарех даьнна зе дIададаккхараи меттаоттадараи де дезарий планашца а» дIадаха;

в) тIатохар де Iобелгалбаь чулоацам болча 6 даькъаца:

«6. Спасательни службаш я ГIалгIай Республика паччахьалкхен Iаьдала кхоачашдара органаша а, моттигерча шедоаладара органаша а вIашагIтеха низаши средстваши, шоаш штатни йоацача кIийлен тIа функциональни вIашагIтеха а граждански оборона даькъе йола мероприятеш дIахьоргйолаш граждански оборона а бахархой лорабара а планашца  нийса, аргIа йолча доазон тIа граждански оборона кулгалдеш волча даржерча сага соцамах.»;

10) 15 статьяй 1 даькъа тIатохар де Iобелгалбаь чулоацам болча абзацаца:

«Региональни боарам болча граждански оборона къаьсттача мероприятешта финансови кхоачо яра а иштта цу тайпарча мероприятей перечень а дIаоттаю Российски Федераце Правительствос.».

Статья 2

Ер Закон низаца чIоагIденна болх долалу  ер официально кепатехача дийнахьа денз, бакъда 2026 шера наджгоанцхой бетта 20 денал хьалхагIа доацаш.

ГIалгIай Республика

Мехкдаь декхараш кхоачашдер                                            Сластенин В.В. 

2025 шера  «29» ди  оагIой бетта