«ГIалгIай Республике бахархой пассажирски автомобильни транспортаца Iалашо яр вIаштIехьдаккхарах долча»  ГIалгIай Республика Закона 8 статьяйна хувцамаш юкъедахара хьакъехьа

ТIаийцад

    ГIалгIай Республика

  Халкъа Гуллама                                2025 шера оагIой бетта 25 ди

  Статья 1

«ГIалгIай Республике бахархой пассажирски автомобильни транспортаца Iалашо яр вIаштIехьдаккхарах долча» 2003 шера наджгоанцхой бетта 14 дийнахьарча №3-РЗ йолча ГIалгIай Республика Закона  (газет «ГIалгIайче», 2003 шера наджгоанцхой бетта 21 ди; 2013 шера оагIой бетта 31 ди; Официальни бокъон хоама интернет-портал (www.pravo.gov.ru), 2015 шера оагIой бетта 14 ди; (интернет-газет «ГIалгIайче» (www.gazetaingush.ru), 2016 шера лайчилла бетта 29 ди; 2021 шера оагIой бетта 30 ди) 8 статьяйна хувцам  юкъехьо, Iобелгалбаь чулоацам болча барайтта – ткъо абзацашца тIатохараш а деш:

«дIачIоагIъю автомобильни, городе гIолларча лаьтта гIолла лелача электрически транспортаца боарамаш дIа-хьа нийсдара тарифашца, пассажираш дIа-хьа бигарахи багаж дIа-хьа яхьарахи кулг кара доацаш мах балара автоматизированни системах йола положени;

дIачIоагIъю автомобильни, городе гIолларча лаьтта гIолла лелача электрически транспортаца боарамаш дIа-хьа нийсдара тарифашца, пассажираш дIа-хьа бигарахи багаж дIа-хьа яхьарахи кулг кара доацаш мах балара автоматизированни системах йола  аргIа, иштта дIадехкача билетий дукхал а дIа-хьа нийсъеча тарифах дIа-хьа ахара дукхал а;

дIачIоагIъю пассажира ше дIавигарахи шийца доагIаш дола бераш дIадигарахи  мах баларах тешал дара аргIа, нагахьа санна цунгара а цунца доагIаш долча берашкара а мах бала безаш хилча, цу даькъе федеральни законодательствос а ГIалгIай Республика законодательствос а белгал ма дарра, из дIавигарах, багажи кулг карара коарчами дIа-хьа яхьарахи луш бола мах  лаьгIбара терко а еш, иштта пассажира ше мах боацаш е льготни боараме дIа-хьа вига везаш хилара бокъон тешал дича городской, пригородни, дуненхалкъашта юкъерча хадданза лелача маршрутех водаш хилча.».

Статья 2

Ер Закон низаца чIоагIденна болх бе долалу, ер официально кепатехача дийнахьа денз.

ГIалгIай Республика

Мехкдаь декхараш кхоачашдер                                            Сластенин В.В. 

    г. Магас

2025 шера «29» ди оаг1ой бетта

№ 57-рз