«ГIалгIай Республике  паччахьалкхен  социальни новкъосталах долча» ГIалгIай Республика Закона хувцамаш юкъедахьара   хьакъехьа

ТIаийцад

ГIалгIай Республика

Халкъа Гуллама                         2026 шера маьтсела бетта 19 ди                    

Статья 1

«ГIалгIай Республике паччахьалкхен социальни новкъосталах долча» 2018 шера аьтинга бетта 13 дийнахьарча №24-РЗ йолча ГIалгIай Республика Закона (интернет-газет «ГIалгIайче» (www.gazetaingush.ru), 2018 шера аьтинга бетта 13 ди, тов бетта 28 ди; 2021 шера аьтинга бетта 24 ди; 2025 шера оагIой бетта 30 ди)  юкъехьо Iобелгалдаь хувцамаш:

1) Преамбула Iобелгалъяьча редакце дIаязъе:

«Укх Законо «Паччахьалкхен социальни новкъосталах долча» 1999 шера кIимарса бетта 17 дийнахьарча №178-ФЗ йолча» Федеральни законаца нийса (дIахо – Федеральни закон) дIаоттаю Федеральни законо белгалбаьча кIезига таро йолча дезалашта, цхьаь бахача гражданашта а кхыболча гражданашта а паччахьалкхен социальни новкъостал дара бокъонии вIаштIехьдаккхареи лардаш.»;

2) 2 статье:

а) 1 пункте дош «законодательстве» хувца дешашца «Федеральни законе»;

б) 2 пункт Iобелгалъяьча редакце дIаязъе:

«2) таро кIезига йола дезал (цхьаь ваха гражданин) – дезал (цхьаь ваха гражданин), шоай кара хIама  а доацаш ГIалгIай Республикерча бахархошта хIара сага сихха юкъара дIалаьрхIача вахара эшача боарамал кIезигагIа пайда тIабоагIаш хилча «Российски Федераце вахара эшача кIезигагIа болча боарамах долча» Федеральни законаца нийса;»;

в) 3 пункте дешаш «Российски Федераце законодательствоца» хувца дешашца «Федеральни законаца»;

г) 6 пункт  Iобелгалъяьча редакце дIаязъе: 

«6) социальни адаптацен программа – бахархой социальни лорабара органаша гражданинаца цхьана дIахьош йола мероприятеш, вахара халача хьалех чаккхвалара е Федеральни закона 82 статьяй 1 даькъе белгал ма дарра индивидуальни предпринимательски къахьегам дIабахьара а цу тайпарча программаца белгалдаь тайпаш, цу мероприятей боарами кхоачашъяра аргIеи;»;

3) 4 статьяй 6 пункт Iобелгалъяьча редакце дIаязъе:

«6) ГIалгIай Республика бюджетерча средстваех кIийлен тIа луш дола паччахьалкхен социальни новкъостал дара аргIа а социальни контракта кепаш а дIачIоагIъяр;»;

4) 5 статья  Iобелгалъяьча редакце дIаязъе:

«Статья 5.

Паччахьалкхен социальни новкъостал дIаэцараш Паччахьалкхен социальни новкъостал дIаэцараш хила тарлу таро кIезига йола дезалаш, цхьаь баха гражданинаш, Федеральни законо белгалбаь бола гражданаш шоай кара хIама а доацаш ГIалгIай Республикерча бахархошта хIара сага сихха юкъара дIалаьрхIача вахара эшача боарамал кIезигагIа пайда тIабоагIаш хилча «Российски Федераце вахара эшача кIезигагIа болча боарамах долча» Федеральни законаца нийса, иштта Федеральни закона 82 статьяй 1 даькъе белгалбаь  лаьрххIача тIема операцен доакъашхои кхыбола нахи.»;

5) 8 статье: 

а) 1 дакъа Iобелгалъяьча редакце дIаязде:

«1. Паччахьалкхен социальни новкъостал дар социальни контракта кIийлен тIа кхоачашду:

1) таро кIезига йола дезалашта, цхьаь бахача гражданашта, кхыйолча категорейх болча гражданашта, шоай кара хIама а доацаш ГIалгIай Республикерча бахархошта хIара сага сихха юкъара дIалаьрхIача вахара эшача боарамал кIезигагIа пайда тIабоагIаш хилча «Российски Федераце вахара эшача кIезигагIа болча боарамах долча» Федеральни законаца нийса, цар шоай вахара хьал тоадара хьинаре къахьегар хьаллацара;

2) лаьрххIача тIема операцен доакъашхошта, кхыболча наха Федеральни закона 82 статьяй 1 даькъе белгалбаьча кхыболча наха, цар индивидуальни предпринмательски къахьегама хьинаре дакъа лацар хьаллацара.»;

б) 3 дакъа ший низ дIабаьнна лархIа;

в) тIатохар де Iобелгалбаь чулоацам болча 12 пунктаца:

«12. Духхьал ГIалгIай Республика бюджетерча средстваех социальни  контракта кIийлен тIа луш долча паччахьалкхен социальни новкъостал дара  овсарлен мах хоадабар ГIалгIай Республика Правительства боарама бокъон актаца оттаяьча аргIанца нийса.»;

6) тIатохар де Iобелгалбаь чулоацам болча 82 статьяйца:

«Статья 82. ЛаьрххIача тIема операцен доакъашхошта социальни контракта кIийлен тIа паччахьалкхен социальни новкъостал дара  башхалонаш

1. ЛаьрххIача тIема операцен доакъашхошта социальни контракта кIийлен тIа паччахьалкхен социальни новкъостал дар кхоачашду «Ветеранех долча» 1995 шера наджгоанцхой бетта 12 дийнахьарча №5-ФЗ йолча Федеральни закона 3 статьяй 1 подпункте белгалбаьча, лаьрххIача тIема операце дакъа лаьцача тIема ветеранашта а Федеральни закона 3 статьяй 1 пункта 11, 22–26   подпункташка белгалбаьча тIема ветераншта а  (дIахо – лаьрххIача тIема операцен доакъашхой), нагахьа санна уж тIема службера (службера, балхара) мукъабовлийта хилча е контракт кхоачашъяр чакхдаьнна хилча (кхыйолча бокъон юкъ-моттигех) оттаяьча аргIанца нийса уж болх боацаш  хилар е болх лохаш  хилар бакъдаь хилча, лаьрххIача тIема операцен доакъашхоша индивидуальни предпринмательски къахьегама хьинаре дакъа лацар хьаллацара новкъостал хургдолаш. ЛаьрххIача тIема операцен доакъоашхой I е II тоабан заIапхой хилар тешал даь а хилча уж тIема службера (службера, балхара) мукъабовлийта хилча е контракт кхоачашъяр чакхдаьнна хилча (кхыйолча бокъон юкъ-моттигех)  цар хержача боараме, царна е цар исташта (моарошта) социальни контракта кIийлен тIа  паччахьалкхен социальни новкъостал делга оттаяьча аргIанца нийса уж болх боацаш е болх лохаш хилар бакъдаь хилча.

2. ЛаьрххIача тIема операцен доакъоашхошта а укх статьяй 1 даькъе белгалбаьча кхыча наха а социальни контракта кIийлен тIа паччахьалкхен социальни новкъостал ду дезала е цхьаь вахача гражданина хIара сага сихха тIабоагIача  пайдан боарама мах а ца хоадабеш.

3. ЛаьрххIача тIема операцен доакъоашхошца а укх статьяй 1 даькъе белгалбаьча кхыча нахаца а цар индивидуальни предпринимательски къахьегама хьинаре дакъа лацар хьаллацара социальни контракт оттаю цкъа. Цу тайпарча контрактах дIатох социальни адаптацен программа, паччахьалкхен социальни новкъостал дIаэцаш болчар индивидуальни предпринимательски къахьегам дIахьоча хана йинза яргйоаца мероприятеш белгал а еш.

4. ЛаьрххIача тIема операцен доакъашхошта социальни контракта кIийлен тIа паччахьалкхен социальни новкъостал дарах  заявлени дIалуча хана гражданина дIалу Российски Федераце Президента лаьрххIача тIема операцен доакъашхошта новкъостал дарах йолча акта кIийлен тIа  вIашагIъеллача организацено социальни контракт оттаяр могадар Российски Федераце Правительствос оттаяьча аргIанца а кепе а долаш.

5. Федеральни законо паччахьалкхен социальни новкъостал дара дераш, цу даькъе социальни контракта кIийлен тIа дIа-хьа дарж укх статьяй 1 даькъе белгалбаьча лаьрххIача тIема операцен доакъашхой а кхыболча наьха а хьакъехьа, укх статьяйца оттаяьча башхалоний терко еш.».

Статья 2

Ер Закон низаца чIоагIденна болх бе долалу, ер официально кепатехача дийнахьа  денз

ГIалгIай Республика

          Мехкда                                                              Келаматнаькъан М.М. 

г. Магас

 маьтсела бетта  2026 шера  «26»ди 

№_27-рз