«ГIалгIай Республика моттигерча шедоалдара органашка, даьй доала кIала доацача  хьайбашта доал дара къахьегам дIахьоча хана,  паччахьалкхен  къаьстта полномочеш дIаяларах долча» ГIалгIай Республика Закона хувцамаш юкъедахьара хьакъехьа

ТIаийцад

ГIалгIай Республика

Халкъа Гуллама                            2026 шера маьтсела бетта 19 ди

Статья 1

«ГIалгIай Республика моттигерча шедоалдара органашка, даьй доала кIала доацача хьайбашта доал дара къахьегам дIахьоча хана,  паччахьалкхен  къаьстта полномочеш дIаяларах долча» 2020 шера бекарга бетта 2 дийнахьарча №8-РЗ йолча ГIалгIай Республика Закона (Официальни бокъон хоама интернет-портал (www.pravo.gov.ru), 2020 шера бекарга бетта 3 ди; интернет-газет «ГIалгIайче» (www.gazetaingush.ru), 2023 шера саькура бетта 28 ди, лайчилла бетта 8 ди; 2024 шера лайчилла бетта 19 ди) юкъехьо Iобелгалдаь хувцамаш:

1) преамбуле дешаш «Российски Федераце моттигера шедоалдар вIаштIехьдаккхара юкъарча принципех долча» 2003 шера ардара бетта 6 дийнахьарча №131-ФЗ йолча Федеральни законаца» хувца дешашца «Публични Iаьдала цаI йолча системе моттигера шедоалдар вIаштIехьдаккхара юкъарча принципех долча» 2025 шера тушола бетта 20 дийнахьарча №33-ФЗ йолча Федеральни законаца.»;

2) 1 статье дешаш «даьй доал доацача хьайбашта лазараш ца хилийтараи царна дарбаш дараи, уж хьалувцар, учет яр, доал дари  пайда эцари» хувца дешашца «даьй боаца хьайбашца доал деш къахьегарца»;

3) 2 статья Iобелгалъяьча редакце дIаязъе:

Статья 2. Моттигерча шедоалдара органашка дIалуш йола къаьстта паччахьалкхен полномочеш

1. Къаьсттача паччахьалкхен полномочешца да:

1) даьй боаца хьайбаш хьалувцар, цу даькъе уж транспортаца дIадигари хьем боацаш хьайбаш чулоаттадара йолча моттигашка е хьайбаш чулеладара ханна йолча пункташка дIадалар;

2) даьй боаца хьайбаш, хьайбаш чулеладара йолча моттигашка лоаттадар «Хьайбаш бехктокхаме леладарахи Российски Федераце къаьсттача законодательни акташта хувцамаш юкъедахьарахи долча» 2018 шера оагIой бетта 27 дийнахьарча №498-ФЗ йолча Федеральни закона 16 статьяй 7 даькъаца  нийса е хьайбаш  чулеладара ханна йолча пункташка дIадалар;

3) кора ца доагIаш дола хьайбаш шоай даьшка дIадалар, иштта хьайбаш чулеладара йолча моттигашка  е хьайбаш чулеладара ханна йолча пункташка хьадоаладаьча хьайбай даьй лахар;

4) даьй боаца,  оттаме бахьан доацаш  латар дола хьайбаш  хьалхагIа  шоаш хиннача дIадигар, укх даькъа 2 пункте белгалъяь мероприятеш кхоачашъяьчул тIехьагIа е укх даькъа 5 пункте белгал ма дарра хьайбашка хьажар;

5) даьй боаца хьайбаш чулеладара йолча моттигашка лоаттадари царна доал дари, кердача даьшка уж дIаденначул тIехьагIа мара хьалхагIа шоаш хиннача дIадига йиш йоаца е хьайбаш шоай Iоажалах кхелхача;

6) болх беш долча законодательствоца нийса даьй боацача хьайбай  декъий куцех йолча биологически нувхашта утилизаци яр е хIалакьяр, паччахьалкхен къаьстта полномочеш кхоачашъеча хана.

2. ГIалгIай Республика доазон тIа даьй боаца хьайбаш чулеладара пунктий къахьегам вIаштIехьбаккхара аргIа дIаоттаю ГIалгIай Республика Правительствос.»;

4) 4 статьяй 2 даькъа 3 пункт Iобелгалъяьча редакце дIаязъе:

«3)  ГIалгIай Республика ветеринаре даькъе йолча уполномоченни  кхоачашдара органага (дIахо-ГIалгIай Республика уполномоченни кхоачашдара орган) къаьстта паччахьалкхен полномочеш кхоачашъярах дола отчетнии кхыдолеи документаш дIадалар, цу органо оттаяьча кепашцеи хан-йокъашкеи, иштта белгалъяь полномочеш кхоачашъярца бувзам бола, ца хилча баргбоаца хоам дIабалар а;»;

5) 5 статьяй 2 дакъа Iобелгалъяьча редакце дIаязде:

«2. ГIалгIай Республика кхоачашдара уполномоченни органа моттигерча шедоалдара органаша  паччахьалкхен къаьстта полномочеш кхоачашъеча  бокъо я:

1) моттигерча шедоалдара органашкара укх Закона 4 статьяй 2 даькъа 3 пункте белгалдаь документаши хоами хьабеха;

2) моттигерча шедоалдара органаша паччахьалкхен къаьстта полномочеш кхоачашъяра дешаех шоай компетенце боараме боарама бокъон акташ тIаэца;

3) паччахьалкхен къаьстта полномочеш кхоачашъеча хана законодательствос дIадехараш  толхадаь моттигаш гучаяьлча, моттигерча шедоалдара органашта кхоачаш ца йича яргйоаца предписанеш дIайохьийт гучадаьха толхадараш дIадахара декхарашта;

4) Российски Федераце а ГIалгIай  Республика а законодательствос белгалъяь кхыйола полномочеш кхоачашъе.»;

6) 6 статье: 

а) цIи Iобелгалъяьча редакце дIаязъе:

«Статья 6. Паччахьалкхен къаьстта полномочеш кхоачашъеш финасовии рузкъани кхоачо яр»;

б) 4 а 5 а доакъош Iобелгалъяьча редакце дIаязде:

«4. Паччахьалкхен къаьстта полномочеш кхоачашъеча пайда эца а (е) урхал де а дIадала дезача рузкъан перечень (дIахо – рузкъан перечень) вIашагIтох ГIалгIай Республика уполномоченни кхоачашдара органо, ГIалгIай Республика паччахьалкхен рузкъанна урхалдара кхоачашдара органаца барт а бий, моттигерча шедоалдара органашта хетарашта теркон кIийлен тIа.

Моттигерча шедоалдара органашта перечне юкъедихьа рузкъа дIадалар кхоачашду ГIалгIай Республика паччахьалкхен доалахьенна урхалдарах долча законодательствоца  оттаяьча аргIанца нийса.

5. Моттигерча шедоалдара органашта дийхка да паччахьалкхен къаьстта полномочеш кхоачашъе хьаденна финансови средстваши  иштта рузкъа а белгалъяь полномочеш кхоачашъярца дувзаденна доацача декхарашта пайда эцар.»;

в) тIатохар де Iобелгалбаь чулоацам болча 6 даькъаца:

«6. Паччахьалкхен къаьстта полномочеш кхоачашъе хьаденнача финансови средстваехи рузкъахи целевой а овсаре а пайда эцарах тIахьожам лоаттабу  Российски Федераце бюджетни законодательствоца а ГIалгIай Республика паччахьалкхен доалахьеннна урхалдарах долча  законодательствоца а нийса.».

  Статья 2

Ер Закон низаца чIоагIденна болх бе долалу, ер официально кепатехача дийнахьа денз.

ГIалгIай Республика

Мехкда                                                    Келаматнаькъан М.М. 

     г. Магас

 2026 шера маьтсела бетта  «26» ди

№ 29-рз