ГIалгIай Республика цхьайолча законодательни акташта  хувцамаш юкъедахьара хьакъехьа

ТIаийцад

ГIалгIай Республика

Халкъа Гуллама                                    2026 шера маьтсела бетта 26 ди 

Статья 1

«ГIалгIай Республика паччахьалкхен граждански службах» долча 2005 шера лайчилла бетта 30 дийнахьарча №45-РЗ йолча ГIалгIай Республика Закона (газет «ГIалгIайче», 2005 шера оагIой бетта 3 ди; 2007 шера аьтинга бетта 14 ди; 2009 шера ардара бетта 24 ди; газет «Сердало», 2011 шера наджгоанцхой бетта 15 ди; газет «ГIалгIайче», 2011 шера  ардара бетта 6 ди; 2012 шера оагIой бетта 27 ди; 2013 шера оагIой бетта 7 ди; 2014 шера тушола бетта 7 ди; 2015 шера бекарга бетта 2 ди;  2016 шера лайчилла бетта 29 ди; Официальни бокъон хоама интернет-портал (www.pravo.gov.ru), 2017 шера бекарга бетта 26 ди, ардара бетта 31 ди; 2018 шера саькура бетта 27 ди; газет «Сердало», 2021 шера аьтинга бетта 3 ди; интернет-газет «ГIалгIайче» (www.gazetaingush.ru), 2023 шера кIимарса бетта  7 ди, лайчилла бетта 8 ди; 2025 шера кIимарса бетта  11 ди; 2026 шера бекарга бетта 9 ди) 10 статье юкъехьо Iобелгалдаь хувцамаш:

1) тIатохар де Iобелгалбаь чулоацам болча 31 даькъаца:

«31. Граждански служба «кулгалхой» боараме долча дарже оттара «гIончий (советникаш)», «говзанчаш», лаьрххIача тIема операцен доакъошхой граждански служба лакхехьарча а керттерча а тоабай даржашка оттача хана лакхехьара дешар дийша ца хила йиш яц.»;

2) 6 даькъа  1 а 2 а пункташ  Iобелгалъяьча редакце  дIаязъе:

«1) граждански служба лакхехьарча даржашка оттачарна –  граждански служба диъ шерал кIезигагIа йоацаш граждански служба е говзалах болх баь стаж хила еза,  кийчон наькъах стаж хила еза.

ЛаьрххIача тIема операцен доакъошхошта – шин шерал кIезигагIа йоацаш граждански служба е говзалах болх баь стаж хила еза, кийчон наькъах стаж хила еза;  

2) граждански служба керттерча даржашка оттачар – шин шерал кIезигагIа йоацаш граждански служба е говзалах, кийчон наькъах стаж хила еза.

ЛаьрххIача тIема операцен доакъошхошта – цхьан шерал кIезигагIа йоацаш граждански служба е говзалах болх баь стаж хила еза, кийчон наькъах стаж хила еза;».

Статья 2

«ГIалгIай Республике коррупцена духьале ярах долча» 2009 шера тушола бетта 4 дийнахьарча №8-РЗ йолча ГIалгIай Республика Закона                   (газет «ГIалгIайче», 2009 шера тушола бетта  12 ди; 2011 шера ардара бетта 6 ди; 2013 шера тушола бетта 12 ди, оагIой бетта  7 ди; 2015 шера бекарга бетта 2 ди; Официальни бокъон хоама интернет-портал  (www.pravo.gov.ru), 2016 шера тушола бетта 30 ди; 2017 шера тушола бетта 7 ди, аьтинга бетта 20 ди; интернет-газет «ГIалгIайче» (www.gazetaingush.ru), 2018 шера оагIой бетта  29 ди; 2020 шера аьтинга бетта  30 ди; 2021 шера оагIой бетта  27 ди; 2023 шера   лайчилла бетта 8 ди; 2026 шера бекарга бетта 9 ди)  юкъехьо Iобелгалдаь хувцамаш:

1) 10 статьяй 2 даькъа 2 пункте дешаш «паччахьалкхен Iаьдала органаша е моттигерча шедоалдара органаша» хувца дешашца «паччахьалкхен органаша, моттигерча шедоалдара органаша е организацеша»;

2) 131 статьяй 1 даькъа 7  пункт Iобелгалъяьча редакце дIаязъе: 

«7) укх даькъа 3 пункте белгалдаьча Российски Федераце боарама бокъон акташца оттаяьча перечнешта юкъедихьача  даржашка болча  а укх даькъа 2 – 61 пункташка белгалбаьча наха а шоай расходех дола сведенеш  дIадалара кIийле гучаяьлча «Паччахьалкхен даржашка болча а кхыболча наьха а расходаш цар пайдашта нийса йий тIахьожам барах долча» 2012 шера оагIой бетта 3 дийнахьарча  №230 йолча Федеральни законаца нийса – цу тайпара кIийленаш гучаяьннача шера тIехьа доагIача шера бекарга бетта 30 денал тIехьа а ца доаккхаш.».

Статья  3 

«ГIалгIай Республика доазон тIа гражданашта мах боацаш юридически новкъостал дарах долча» 2013 аьтинга бетта 6 дийнахьарча  №12-РЗ  йолча ГIалгIай Республика Закона (газет «ГIалгIайче», 2013 шера аьтинга бетта 15 ди; интернет-газет «ГIалгIайче» (www.gazetaingush.ru), 2018 шера аьтинга бетта 13 ди; 2021 шера оагIой бетта 30 ди; 2022 шера кIимарса бетта  14 ди,  оагIой бетта  6 ди; 2025 шера  саькура  бетта 10 ди,  ардара бетта 10 ди)  юкъехьо Iобелгалдаь хувцамаш:

1) 3 статьяй 1 даькъа 8 пункт низ дIабаьнна лархIа;

2)  8 статьяй цхьоалагIча абзаца дешашта «укх Закона» тIехьа тIатохар де дешашца «моттигера шедоалдара органаш а даржашкара нах а».

Статья 4

Ер Закон низаца чIоагIденна болх бе долалу, ер официально кепатехача дийнахьа денз итт ди чакхдаьлча.

ГIалгIай Республика                                

           Мехкда                                                              Келаматнаькъан М.М.

          г. Магас

2026 шера «4»дийнахьа аьтинга бетта

          № 32-рз