Магасерча Хьоалчагӏан цӏеноша кхерамзленах дола паспорташ хьаэцаргда
Магасерча администраце кхетаче дӏайихьар ресторанашта, хьоалчагӏан Цӏеношта доал дерашца. Из хоам «Сердалога» бера цу моттигера.
«Террористически зулама духьалара кхерамзлен оагӏонцара хьал боаггӏача боараме долаш хила еза уж моттигаш», - йоах тхогарча хоамо. Геттара дукха адам гуллучарех я, аьнна, хьакъоастаяьраш пхи моттиг я шахьаре. Царга кхерамзлен хьалах дола паспорташ хила деза.
Моллагӏча хатара духьала цу моттиий кийчо хилар чӏоагӏа лоархӏаме да тахан. АТК оагӏонцарча балха хьалхалатташ волча Ильясанаькъан Мухьмада белгалдир, паспорташ доацарашта 500 эзар сом гаргга гӏод тохаргда, иштта болх бе йиш йоацаш дӏакъовларгда, аьнна.
Кхетаченаш, хьоалчагӏаш дӏакхухьаш йолча моттигашта доал дераша цу оагӏонцара шоай болх тоабе беза ма хулла сихагӏа.
Из деррига а шахьаре бахача наьха, тӏалаттача хьаьший кхерамзлен хьал лорадара тӏехьа леладеш да.
