ЛДПР донорий болам Гӏалгӏайче: новкъостал дар - из да гӏулакх дӏахьош хилар
Наьсарен цӏий тохара Республикански станце лораша Гӏалгӏайчен ЛДПР даькъа хьинар дараша кхайкарал дир, цӏий хьачудалар дехаш. Депутаташа, кагирхоша сиха дакъа лаьцар цӏий дӏадалара балха юкъе.
«Цӏий дӏадалар - из саг хилар а, нахаца юкъара хилар а да. Оаха ЛДПР лоархӏ, новкъостал дешаца даь а ца ӏеш, хоаддамеча гӏулакхашца деш хила деза. Тахан оаха цӏий дӏаделар лораша аларах, кӏалбисарашта новкъостал деш. Юкъарлон хьалхашка из тха декхар да», - аьлар Гӏалгӏай Республикан Халкъа Гуллама ЛДПР фракце депутата.
ЛДПР викалаша белгалду, цӏий дӏадалара боламашка дакъа лацар – цкъа дӏабихьача кхоачам бола болх бац, из даим дӏабахьа беза болх ба, нах хьаллоацаш, республикан культура дегӏайоалаяра новкъостал деш.
Парте хьалхадоаккх, федеральни даькъ тӏа юкъедаккха цӏий дӏалуш бараш хьаллацар: РФ сийлен донорашта шин МРОТ-га кхаччалца хӏара шера луш дола ахча лакхдар, иштта «Россе Цӏихеза донор» яха цӏи ялар 80-зза цӏий дӏачуденнарашта. Цул совгӏа, ЛДПР Кулгалхочо Слуцкий Леонида кхайкадир «Сийдола донор» яха партийни совгӏат чӏоагӏдаь хилар.
