«Фе хила – наькъ тӏа бераш!» яха болам дӏабихьар Шолжа -Шахьаре ГИБДД болхлоша
Бераш лорадарах бола болам дӏахьош хилар Шолжа-Шахьарерча наькъашка полице къахьегамхой. Дешара моттигашта юхекхаьчача къаьстта фийла волаш, машин сиха ца хехкаш хила везилга хьалхадаьккхар машинаца леларашта. Цӏагӏара арадоалача берашка наькъашкара бокъонаш лорае езилгах, иштта цу оагӏонца дувзаденнарех лаьца массахана къамаьл де дезилга хьалхадаьккхар даьшта, ноаношта.
«Бераш дешара цӏагӏа сецача ахкан хана, къаьстта чӏоагӏа лоралуш хила веза наькъашка, хӏана аьлча укх хана бераш дукхагӏа хул ара. Боарамал тӏех ца воалаш лелар, светофор зувш хилар да лоархӏаме. Сихха дӏатӏехъэккха ца а гӏерташ, гӏаш водар дӏавахийта веза машинаца воагӏачо», - йоах «Сердалога» бенача хоамо.
Гӏаш болхарашца къамаьл хилар ГИБДД болхлой. Таханара ха наькъаш дизза машинаш йолаш хиларах, чӏоагӏа фийла волаш, дикка дӏа-хьа хьежа мара наькъ тӏа дӏатӏа ца воалаш, хила везилгах дийцар цар бахархошка. Гӏаш водар а машинаца воагӏар а наькъашкара бокъонаш лоархӏаш хуле, дикка аттача даргда хьал, хатараш а кӏезигагӏа хургда.
