Россе хьалхале яккхара яхьашка, дакъа лоацаш хургба вай спортсменаш
13.01.2026 09:12
Вай республикера ши спортсмен Россе яхьашка дакъа лаца гӏоргва. Из хоам «Сердалога» бир спорта гӏулакхех йолча федерацера.
21 шерга кхачанза болча спортсменашта юкъе дӏахьош хиннача яхьашка, дикка белгалбаларах кхаьчар цу спортсменашка из аьттув. Укх бетта 9-ча денгара 12-ча денга кхаччалца, Шолжа-Гӏалий тӏа дӏахьош хиннача яхьашка шоай низ, говзал гойташ хилар Къилбаседа Кавказера дукха спортсменаш.
61 кг латтача дозалах борза майдилг йоаккхаш, котваьлар Чаненаькъан Заьлмаха, хӏаьта Арсамаканаькъан Мовсара лакхерча лагӏа тӏа вала аьттув таанзар. 86 кг дозал дарашта юкъе пхелагӏа моттиг елар цунна, иштта Россе яхьашка дакъа лаца ваха болкъо а елар.
