Россе гулъяьча тоабанна чувоагӏаш, Яндарера дзюдоист Сеуле ӏомалуш ва
Яндарера дзюдоист Хамхой Рахьим российски гулъяьча тоабанна чувоагӀаш, дакъа лоацаш ва Сеуле вӀашагӀъехкача дешара-ӏомалуча кхетаченашка, яхаш, дийцар «Сердало» газетага моттигерча Физкультурно-унахцӀенон комплекса зарбан болх лелабераша.
«ГӏалгӀай дзюдо ишкола викала спорта говзал совйоаккх Къулбехьен Корее Россе йоккхагӀа йолча тоабан доакъашхошца. Дешара программа чудоагӀаш да хӀара денна ӏомалу болх дӀабахьар, паргӀатагӀа йолча кепаца къахьегар, начӀал долча дзюдоисташца кхы а дукха спорта оагӀонаш йовзар.
Из гуллам дӀахьош хиларах, вай мехкахочун таро хургья халкъашта юкъера говзал йовза, яхьашка кийчо е, иштта шийна фу карагӀдоал хьажа, дунен гӏорбаьннача атлеташца къовсавала», - аьлар «Чемпион» яхача ФОКе.
Мехка тоабо ӏомалуш дӀахьоча балха юкъе хилар – из штаба боккха тешам луш хилар да, иштта спортивни даькъ тӀа дика дегӏавар а да», - аьлар спортаца ювзаеннача фусамо.
