Шолжа-Гӏалий тӏарча яхьашка, дикка белгалбаьлар вай дзюдоисташ
17.12.2025 10:10
Нохчий республикан эггара хьалхарча президента Кадыровгӏар Ахьмад-Хьажийна хетаяьча мехкашта юкъерча яхьашка дикка белгалбаьлар Илдарха-Гӏалий тӏара дзюдоисташ. «Сердалога» из хоам бир шахьара администраце зарбан болх лелабеча Кхорахой Мурада.
«Шолжа-Гӏалий тӏарча яхьашкара вай спортсменаш хьалхара моттиг, иштта тайп-тайпарча оагӏонцара совгӏаташ дахьаш баьхкар. Турнире котало яьккхар Мержой Ахьмада (28 кг), Хьулахой Сайфуллас (38 кг), Местой Юсуфа (81 кг). Шоллагӏча лагӏа тӏа баьлар Йовлой Ислам (26 кг), Султиганаькъан Нухь (46 кг).
Султиганаькъан Мухьмада (27 кг) борза майдилг кхаьчар», - дийцар тха газетага. Котбаьннарашта хьехаш вола тренер Султиганаькъан Мухьмад ва.
