Дешара оагӏоно гаргаэзар бераш, боккхийбараш
Боккхача тӏема юкъе Котало яьккха 81 шу дизара хетаяьча «Кхетам» яхача Российски оагӏон кхетаченашка дакъа лаца ловш хилар вай мехкара 650 совгӏа саг. Тематически кхетаченаш, лекцеш, Денала урокаш дӏахьош хилар мехка, хӏаьта дакъа лаьцараш бар, бераш санна боккхийбараш а. «Сердалога» из хоам бир мехкарча Паччахьалкхено.
«Даьхенцара безам чӏоагӏбарах йола кхетаченаш дӏайихьар ишколашка, гимназешка, лицейшка, Россе вахара ганза моттигашка. Лектораша дийцар Коталон ди гаргадоаладеш, вай лаьтташта доал де отта гӏийрта фашист, лира тохаш, аравоаккхаш духьале яьча советски бӏухой турпалча гӏулакхех.
Тӏема истори массахана дахаргдолаш да, тӏехьено тӏехьенга телаш, дийнде деза хӏама да из», - дийцар тха газетага.
Вай мехкахой аьттув баьлар, моастагӏчун хӏама эшадеш, Берлине кхаччалца из эккхавеш дачубаха; деналах, майралах бизза болаш, немций эпсараша тамаш еш хиннача салтий исторех дувца, царна баркал кхайкаде.
