Металлурга Денга хӏама довзара болам дӏабихьар единороссаша
Металлурга Денна хетаяь кхетаче дӏахьош хилар «Цаӏ йолча Россе» доакъашхой, Галашкарча культуран Цӏагӏа. Ураотташ латтача къонача тӏехьенна цу оагӏонцара болх бовзийта дагахьа болам боаржабир цар. Метталлургий къахьегамца дувзаденнараш доккхий декхараш долга кхетадир бераша цу дийнахьа.
«Вай боккхача мехкара экономика дикка йоаржаяра тӏехьа лоархӏаме моттиг дӏалоацаш промышленность я ала деза цох. Зӏамига долча хана денз, берашта цох дувцар, паччахьалкхен хӏама тоадара тӏехьа къахьегаш болча нахаца лерхӏам хила безилга хьалхадахар лоархӏаме да», - дийцар «Сердалога» парте секретарь волча Йовлой Мухьмада.
Белгалде деза, иштта йолча кхетаченашка дакъа лоацаш хилар ураотташ латтача къонача тӏехьенна диканна долга, мехка гӏулакх тоадара тӏехьа къахьегараш малашб ховргда царна. Ишттача боламга гӏолла, мехка пайдане хургдола гӏулакх харжа мег кхоана цхьацца моттигаш дӏалаьца къахьега дезараша.
