Единороссаша парте XXӏӏӏ съезда делегаташ хержар Магасе
XXXVӏӏ Конференце хьалхарча оагӏонцара болх дӏахьош хилар, «Цаӏ йолча Россе» вай мехкара моттиг. Из хоам «Сердалога» бир Паччахьалкхен зарбан болх лелабераша.
«Кхетаче дакъа лоацаш хилар парте Гӏалгӏай мехка оагӏон секретарь Илезанаькъан Микаил, мехкарча Халкъа Гуллама Кулгалхо Тӏумхой Мухьмад; мехкадаь, Паччахьалкхен Администраце кулгалхо вола Мархенаькъан Анзор; парте Кулгалхочун Медведев Д.А. нах тӏаийбеча моттига кулгалхо Далганаькъан Розат, парте хӏама хьаллоацаш болча республикан оагӏон хьалха латта Гӏулой Анжелла, мехкарча моттигашкара секретараш, хоржамий хьалхарча оагӏонца котбаьннараш, иштта СВО доакъашхой а парти хьаллоацараш а», - йоах тахан тхога кхаьчача хоамо.
Кхетаче дийцар? Москве дӏаяхьа езача парте XXӏӏӏ cъезда делегаташ харжара гӏулакхах. Оргкомитето Мархенаькъан Анзор, Местой Мухьмад хержача дика хургда, аьнна, белгалдир цига. Массане хьаллаьцар уж шиъ харжар. Илезанаькъан Микаила хозача, дега тоам беча дешашца даькъалабийцар хержа делегаташ; белгалдир, царна тӏадиллар доккха, лоархӏаме гӏулакх долга. Цул совгӏа, кхетачен доакъашхоша дийцар парте республикерча моттигашка дӏабахьа безача балхах, эггара хьалхарча оагӏонца кхоачашде дезарех.
