Шолжа йистошкара 50 гали совгӏа нувхаш гулйир эко-хьинардараша
Магасерча Шолжа гонахьарча моттигашка лостам беш, хилар экологически болама доакъашхой. «Эко-Мехкагӏонча» яха проект хьаллоацараша 50 совгӏа гали нувхаш, гулъяь, араяьхар цигара. Магасе къахьегама шоатта дӏадахьа гӏо даьраш бар мехкарча экологе, ӏалама гӏулакхех йолча министерствон болхлой, кагирхой гӏулакхех йола Комитет, гӏо деш барий моттиг.
«Къахьегама шоатта дӏадихьар, «Россе хиш» яхача, ӏаламах дог лазаш мел бола боккхача мехкара нах хин йистошка лостам бе арабоалаш болча боламга гӏолла. Магасерча болама доакъашхоша хоза барттайна дӏадихьар из беркате гӏулакх. 50 гали совгӏа тайп-тайпара нувхаш яр цар, Шолжа йистошкара гулъяь, араяьхараш», - йоах «Сердалога» цу оагӏонцарча министерствера бенача хоамо.
Министерствон болхлоша доккха баркал кхайкадир из беркате гӏулакх хьаллаца, ӏалама моттигех дог лазаш хин йистошка лостам бе арабаьннарашта. Мехкарча беркатеча, хозача ӏалама хӏама лорадеш хила деза вай дерригаш!
