«Ингушэнерго» болхлоша токах лоралуш хилар дех бахархошка
«Къилбаседа Кавказа Россеташа» - «Ингушэнергос» болхлоша тока моттигашта юхе чкъаьрий лувцарашка лоралуш хилар дех. ӏаьдало лораеш йолча тока оагӏон моттигашта юхе чкъаьрий лувца йиш яц! Тока саьргашта кӏалгӏолла дӏаводача хана, чкъаьрий лувца зӏак урагӏдегӏа ца а хьош, вӏашкадилла, дӏоахалла хьалаьца дӏадахьа деза.
Ди деттача хана, тока моттигашта юхе чкъаьрий лувца йиш йоацилга белгалдеш, зӏака тӏа яздаьр теркалдеш хилар дех нахага. Ди деттача хана ӏалаьмате чехка гаьнавала веза хина, хӏана аьлча хи чу соц ток, ди тохаро 100 метрага кхоачаш доазув чулоац.
ӏолийга дадача тока саьргашта бархӏ метрага кхоачаш гаьна хила веза. «Уж хӏамаш лора ца дар чӏоагӏа кхераме да. Тахан хьадеш дола чкъаьран зӏакаш чӏоагӏа дӏаьха хул; цул совгӏа, уж хьадеш йола «углепластика» а ток дикка тӏаозарех я. Тока саьргах зӏак дӏахьокхаделча, цу сага шийна меттел, гонахьа латтарашта а ток тохаргья», - белгалду «Ингушэнерго» филиала хьалха латтача Котаганаькъан Кимрана.
Берашта совгӏат далара гӏулакха чӏоагӏа терко еш хилар дех тока оагӏон болхлоша. Нагахьа оашош бера чкъаьрий лувца зӏак деннадале, из мишта леладе деза, малагӏча моттигашка чкъаьрий лувца йиш яц, лораде дезараш малагӏаш да хьалхадаккха. Лораеш йолча тока оагӏон моттигашка моллагӏа бокъо йохаеш дола хӏама оашош зийнадале, ӏалаьмате сиха укх номерах телефон дӏатоха еза : 8-800-220-0-220 (лоаца номер – 220).
