Агротуризм йоаржаярах хьабоалача пайдах, дийцар мехкарча фермерашка
Шоай доалахьарча боахама тӏагӏолла, «Агротуризм» яхача гранта юкъебаха аьттув ба тахан вай мехкарча фермерий. Из хоам «Сердалога» бир юртбоахама гӏулакхех йолча министерстве.
«Тахан болх дӏахьоча юртбоахама юкъе туризм йоаржаярах, хьакхолларах йолча «Агротуризма гранто» чулоацар 3 - 10 млн кхоачаш федеральни, моттигерча оагӏонашкара ахча да», - йоах тхога бенача хоамо.
Юртбоахама моттигашка къахьегачарна хьалхадаьккхар, тахан из гӏулакх дикка даржаш латтилга, цу оагӏонца теркаме лаца дезараш малагӏаш да.
Туристаш тӏаозаро фермерашта дикка пайда бергба. Шоаш хьадеш дола хӏама дикка дӏадовзийта, доаржаде аьттув ба цар, иштта цу оагӏонцара болх вай мехка мишта дӏабода дӏагойта йиш я.
Укхаза керттердар да, из грант боккъонца йоагӏаш волча къахьегамхочунна кхачар, шийна санна берригача мехка а пайда хургболаш. Цу гӏулакхах дола моллагӏа хӏама юртбоахама гӏулакхех йолча министерствога гӏолла довза йиш я тахан.
