«Дошо аьрзи» яхача вай мехкарча фестивало гӏалгӏай, селий вӏаший гаргабигар
ТЮЗа сцена тӏа дӏайихьар «Дошо аьрзи» яха Халкъашта юкъера кхолламах йола фестиваль - яхь. Вай республикера цу юкъе дакъа лоацаш «Грация» яха кхолламах йолча Паччахьалкхен колледжа хореографически ансамбль яр. Тоабо фестивале гойтар доаргӏой (даргинций) къаман халхар. Лакха начӏал долча хореографа Налганаькъан Дианас кулгал деш, кийчбаь болх бар из.
«Студентий халхара лакха мах оттабир цига. Фестиваль вӏашагӏаеллараша, из дӏахьош хиннараша баркал оалаш, каьхаташ делар артисташта. Доккха баркал аьлар царна культуран гӏулакхех йолча мехкарча министерствос, Наьсарерча администраце. Къаьстта белгалдир ӏадаташ лорадара тӏехьа Налганаькъан Дианас къонача халхархошца болх дӏакхахьар», - дийцар «Сердалога» колледже. Кавказера къамаш вӏаший бувзам лорабеш долга дӏагойтар ансамбло. Вошал леладеш болча доаргӏой халхар гойтар, вайна юкъе доттагӏал долга белгалдеш да. Лоалаха дахача къаман ӏадаташ, культура дӏайовзийта дика аьттув баьлар вай къонача артистий.
