СВО ветерана даьна гӏо дир «Даьхен лорабой» яхача ганзо
«Даьхен лорабой» яхача ганза Магасски филиале ена хилар, тӏема операце ветерана нана Поаланкой Радимхан. Ший цӏен-дас Поаланкой Мухьмада санаторе салоӏаргдолаш новкъостал де шоашта, аьнна, дехар дир цо. Сурхо тӏарча салоӏача Цӏагӏа из нийсвар дезаш яр бӏухочун нана.
«Ганза болхло йола Къоастой Ева эттар цар гӏулакхага хьажа. Эшаш мел дола каьхаташ гулдаь, вахара оагӏонцарча гӏулакхех йолча министерствон болхлошца бувзаме яьнна вӏаштӏехьадаьккхар цо из гӏулакх. Санаторе ший дегӏа могашал меттаоттаеш, салоӏаш ха йоаккхаш ва тахан Поаланкой Мухьмад»,- дийцар «Сердалога» «Даьхен лорабой» яхача ганзе.
Тӏема операце доакъашхой цӏагӏарча нахага хьажар, къаьстта ха яхача даьна, нанна терко лоаттаеш, царна эшар, дезар фуд тохкаш хилар, доккхача декхарех да тахан. Ханнахьа санаторе болхаш, шоай дегӏага хьожаш, унахцӏенон хьал эша ца долийташ хилар, лоархӏаме да цар вахаре.
