«Даьхен лорабой» ганз хьаллаьцар Илдарха-Гӏалан депутаташа
Илдарха-Гӏалан кхела депутатий доакъашхоша новкъостал дергда «Даьхен лорабой» фонда филиала, юкъарлон лоархӏаме проекташ кхоачашъеча, яхаш, дийцар «Сердало» газетага.
«Укх деношка кхетаче хилар ганза болхлочун Темарханаькъан ӏийсай, Илдарха-Гӏалан кхела кулгалхочунца Хамхой ӏалиханаца, цун гӏончаца Амаканаькъан Хьусенаца Лаьрххӏача операце ветеранашта, доал деча даькъ тӏа бахаш болча цар дезалашта новкъостал дарах.
Балха говзанчас дийцар ганза дӏахьош йолча программах, шоаш лоаттадеча новкъосталах, цу юкъе психологически хьаллацар а долаш. Цо белгалдир, бӏухошта хьалхашка нийслуш дола хаттараш кхоачашдеча гӏо дар лоархӏаме долга, иштта паччахьалкхен организацешца, урхалленашца бувзам лелабе безилга», - йоах хоамо.
Моттигерча депутаташа шоай аргӏагӏа дийцар, йолаш йола программаш тоаярах. Цар белгалдир, нахага хоам бе безилга, бӏухошта малагӏа хьалаш лоаттаду ховргдолаш, тӏехьара тӏа уж шахьара вахара юкъедоахаргдолаш.
Кхетаче чакхйоалаш, лаьрхӏар бӏухой хьаллацара даькъ тӏа болх дикагӏа дӏабахьа.
