Эллиной тоабанна юкъе, вай мохк дӏабовзийташ ва футболист Оздой Мухьмад
15.01.2026 10:55
Эллиной тоабан юкъе ловзаш вола вай футболист Оздой Мухьмад дикка белгала волаш хьавоагӏа футбола дунен тӏа. Лоархӏаме бургац чутехар цо укх наькъа «Олимпиакос» яхача тоабан наӏарашка. Из хоам «Сердалога» бир футболах йолча вайцигарча Федераце.
«ПАОК», «Олимпиакос» яха тоабаш яр вӏашагӏкхийттараш. Наӏарий саьн чу теха, чуяьккхар Мухьмада бургац. Кхелахоша 7,4 балл оттайир цун ловзара. 2:0 йолаш чакхдаьлар ловзар. Тӏеххьарча ловзарашта юкъе из ворхӏлагӏа бургац чуяьккхай Мухьмада, кубок яккхара «ПАОКа» ловзарашка хьалхара бургац а я из.
