Футболист Чаадаев Рахьим араваьлар «Ангушта» юкъера
НачӀал дола тоабан хьалхарча жӏака тӏа ловзаш хинна Чаадаев Рахьим араваьлар «Ангушт» яхача футбольни клубера. Из хоам «Сердало» газетага бир ГӏалгӀай Республикан футбола Федераце зарбан болх лелабераша.
«Цӏихезача гӀалгӀай тоабанна хьалха латташ хинначун чота тӀа - чуяьккха 5 бургац, новкъосташта 2-зза бургац чутоха новкъостал дар . 20 шу даьннача футболиста дика дӀадихьар цу тайпара ловзар дукхача вӏашагӏкхетарашка, кхыметтел ӀажагӀа карточка кхаьчача а, хувцавенна ше бӏарга ца вайташ. «Ангушт» ФК болх беча юкъа гуш хилар цун начӀал, толам хилар», - аьлар мехка футбола юкъарлоно.
ГӏалгӀай Республикан футбола Федераце президента Хьулахой Хаважа яхачох, къонача ловзархочо контракта кулг яздаьд «Хатайспор» яхача туркий мехкарча клубаца. Туркий мехка Чаадаев ловзаш хургва шера зама чакхъяллалца. Цига цунга хьежаш я мехка Хьалхарча лига ловзара оагӀув.
