Гӏалашкарча культуран Цӏено, №1 йолча ишколаца цхьана, «Гуйран ловзар» яха кхетаче дӏайихьар
Шолжа кхален Галашкарча культуран Цӏено, дешара урхалленашца бувзам лелабеш хилара тешал деш дар, «Гуйранара ловзар» яха доккха цӏай цар цхьана кийчдаь хилар. Из кхетаче дӏайихьар №1 йолча юкъерча ишколе, цига дика дакъа лоацаш хилар Галашкарча культуран Цӏен болхлой.
«Тха ДК ӏомалуш долча бераша дика программа кийчйир, дешархошта, хьехархошта, хьаьшашта из цу цӏайна керттера хозал яр. Литературан-драматически кружока доакъашхоша кийчъяьча театрализованни оагӏонца хьайийллар из салоӏама сайре. Гулбеннарашта бокъонца бола хоза фаьлг хилар цига начӏал долча къонача артисташа гойтача программах», - аьлар цу салоӏама моттиге.
Из сайре сийрдайоаккхаш дар цига гойта гӏалгӏай халхар. Дукхача наха тӏоараш детташ тӏаийцар из. Цӏай дӏадахьа хоза кийчо яьяр. Культуран Цӏен болхлоша массаза санна «Гуйран совгӏаташ» дера цу ишколе. Цар уж хоза кийчдаь хиларо гойтар, хьамсара лаьтта мел камаьрша да.
Из цӏай дӏадахьарах массане а сапаргӏатадаьлар. Иштта цхьана кхетаченаш дӏахьош хиларо хьагойт ишколо, культуран Цӏено шоайла бувзам лелабарах, къона начӏал хьаделла таро луш хилар. Кхувш йоагӏа тӏехье ӏомаю къаман ӏадаташ леладе, культуран вахар хозагӏа де.
