«Гӏалгӏайче» газет ший 33 шу дизар дездеш да
24.04.2026 16:50
Бекарга бетта 24-ча дийнахьа, «Гӏалгӏайче» яхача Юкъара-политически газета 33 шу дизар. Лоархӏаме ди хилар цох газета ерригача тоабанна. Гӏалгӏай паччахьалкхе хӏетта хьаоттача хана, хьакхелла да «Гӏалгӏайче» газет.
Лакха начӏал долча журналисташа цу хана денз къаман хала а гӏоза а хиннача деноех дийцад вайна газета оагӏоний гӏонца. Тахан а хьинаре, бехктокхаме шоай никъ дӏахьош, къаман вахара оагӏонаш йовзийташ ба уж нах.
«Сердало» оалача Кепайоазон Цӏен тоабо газета керттера редактор вола Хамхой Рашид, иштта беррига болхлой даькъалабувц цу денца! Ираз, аьттув болаш; беркате хилба оаш дӏахохьоргбола никъ, дуккха а толамаш хилда шун вахаре!
