Гӏалгӏайчен Кулгалхочо республике цхьан юкъа къаман проекташ кхоачашъяра мах хоадабир
Гӏалгӏайчен кулгалхочо Келаматанаькъан Махьмуд-Ӏаьлас дийцар карарча шера республикан доазон тӏа паччахьалкхен программаш кхоачашъяра толамех.
Лаьрхӏа хиннача ханал хьалха говзанчаша никъ ӏобиллар 34,6 километр. Республике дӏахо дӏахьош да дешара моттигаш тоаяра, хьалъяра, транспорта бувзама болх тоабара балхаш. Цу тайпара Магӏалбике кердаяьккхар №1 йола гимнази, цхьацца йолча юрташка дешара моттигаш тоайир, Сурхо тӏара ветераний Цӏа тоадир.
Ӏаьлий-Юрта керда дарбанче хьалйир. Хьалха дӏаболабаь болх ший ханнахьа цабар бахьан долаш, из гӏишло еш ваьллар бехктокхаме эзар. Республикан кулгалхоша белгалду, вахарца ювзаенна гӏишлош хьалъяра болх тӏехьабаккха йиш йолаш бац, хӏана аьлча нахага ший ханнахьа из новкъостал дӏакхача деза. Иштта дале а, хӏанз кийча я из гӏишло Ӏаьлий-Юртара, лоалаха ядача моттигашкара нах тӏаэца.
Къаьстта йола терко лоаттаю хӏара денна вахаре кхоачашде дезача хаттарашта. Магӏалбика кхален йиъ моттиге хувца лаьрхӏад 50 км хин турбаш. Цул совгӏа, ийс доал деча даькъ тӏа кердайоаккхаргья 24 юкъарлон салоӏа моттиг, наха паргӏато хьакхоллаш, массанахьа хий хургда, салоӏама майдаш хургья.
Россе Президента Путин Владимира могаеш йола къаман проекташ кхоачашъяра 5 млрд 727 млн сом хьа хьожадаьд. Контракташ кхоачашъяра болх чакхбаьннаб - 99,04%, хӏаьта дӏадахар 82,6% я. Бархӏ проектах, ялх проект кхоачашъярах Гӏалгӏайче хьалха я, Россе гӏолла латта хьал юкъара дӏалаьрхӏача.
Юхедиса балхаш чакхдоахаргда йиллача ханашка, аьлар Келматанаькъан Махьмуд-Ӏаьлас. Уж хаттараш чудоагӏаш йолча министерствошта, моттигерча ӏаьдала тӏадиллар дикал йолаш шоай ханнахьа уж чакхдахара тӏахьожам лоаттабар.
Республикан Кулгалхочо терко тӏаяхийтар, уж балхаш дара хьадайта ахча нийса хьожаде харах, цу тайпара толамаш даха таро хилар, из да мехка кулгалхоша дӏадехар.
