Магӏалбика кхалерча Южне хьалъяьча берий бешага, хьажа ваха хилар вай Мехкада
Южне хьайийллача кердача, 120 бера лаьрхӏача берий бешо ший наӏараш хьаелларгья, дешара шу долалуча дийнахьа. Вай мехкада Келаматанаькъан Махьмуд-Ӏаьла ваха хилар цу моттигага хьажа. Белгалде деза, хӏанзолца цу юрта берий беш цахиларах, бераш лоалаха ядача юрташка дӏакхувла дезаш хиннилга.
«Мехкада хьежар гӏишло малагӏча боараме чакхъяьккхай, берий беша эшаш бола кхоачам болаш бий, иштта вентиляце болх, кхерамзленца дувзаденнараш теркалдир. Берий беш болх дӏаболабе кийча хиларах, дӏахо кхы а кхоачашде дезарех дийцар Мехкадас цигарча болхлошца.
Южне бахача наха доккха совгӏат хиннад цу гӏулакхах, хьалха 320 бера лаьрхӏа ишкол хьайийллар цига. Цул совгӏа, керда фельдшерско-акушерски пункт хьаелаш моттиг хилар юрта», - йоах «Сердалога» Мехкадаь зарбан болх лелаберашкара кхаьчача хоамо.
Доккхий хувцамаш деш, иштта дола балхаш дӏахьош ба тахан Вежарий-Юрта, Даьттагӏе. Тов бетта хьалхарча, массадолча берий дегашта боккха тоам беш долча дийнахьа, берий беш ший зӏамига хьаьший тӏаэца боаггӏача боараме кийча хургйолаш, къахьегаш боахк тахан.
