Гӏалгӏайчен Кулгалхочо даькъалабийцар депутаташ Россе парламента Денца
Гӏалгӏайчен Кулгалхочо Келаматанаькъан Махьмуд-Ӏаьлас даькъалабийцар депутаташ Россе парламента Денца, яхаш, хоам бу «Сердало» газетага мехка зарбан болх лелабераша.
«Законаш хьакхоллаш дола ӏаьдал - таханара граждански юкъарло хьакхоллача керттерчарех цаӏ да, цо дакъа лоац лоархӏаме политически, экономически хувцамаш хьакхоллача, массаболча бахархоша мохк а цун моттигаш а дегӏайоалаеча шоашкара дакъа юкъедахь», - аьлар ГӏР Кулгалхочо ше кхайкарал деш.
Калиматов иштта тешаш ва, законаш хьакхоллача, кхоачашдеча наха шоайла бувзам болаш дӏахьош бола болх дӏахо а паччахьалкхе чӏоагӏъеш, Гӏалгӏайчен бахархой вахар тоадеш хургба, аьнна.
Цо дег чура даькъалабийцар депутаташ, могашал, барт, машар болаш цар вахар хилар ловш. Иштта Гӏалгӏайчен, ерригача Россе законаш хьакхоллача керда толамаш дахар ловш.
