Гӏалгӏайчен кулгалхочо Щукин Фёдор даькъалавийцар Селий мехка керте оттарца
Гӏалгӏайчен кулгалхочо Келаматанаькъан Махьмуд-Ӏаьлас даькъалавийцар Щукин Фёдор, из Селий Республикан кулгалхочун дарже харжарца. Ше къамаьл деш, цо белгалдир, дукхача бӏаьшерашка шин мехка юкъе вошал дола бувзамаш хилар. Селий а Гӏалгӏай а мехкаш доазонашца лоалахой долаш дахаш хинна ӏац, вай юкъара культуран тӏехьале я, цхьатарра ӏадаташ, истори да.
Ше из даькъалавувцаш, Гӏалгӏайчен Кулгалхочо ше тешаш ва аьлар, шин республиканна юкъера бувзам кердача, лакхача боарам тӏа баргхиларах. Республикан Кулгалхочо белгалдир, цхьана дӏахьош йолча вахара-экономически, культуран проекташа таро лургья керттера хаттараш кхоачашде, Гӏалгӏайчен санна Селий мехкарча а бахархой вахара хьалаш тоаде.
Ший къамаьл чакхдоалаш, Келаматанаькъан Махьмуд-ӏаьлас Щукин даькъалавийцар из могаш, хьинар долаш, цу бехктокхамеча паччахьалкхен дарже профессиональни толамаш доахаш хилар ловш.
Селий мехкарча дукхача къамий бахархошта ловца баьккхар Гӏалгӏайчен Кулгалхочо; дӏахо а иштта хоза дегӏадоагӏаш, барт, цхьоагӏо йолаш хилда шо, аьнна.
