Гӏалгӏайчен Кулгалхочо ваьча денца даькъалавийцар Россе Президент
Гӏалгӏайчен кулгалхочо Келаматанаькъан Махьмуд-Ӏаьлас ваьча денца даькъалавийцар Россе президент Путин Владимир. Белгалдир, цо мехка кулгал деча юкъа гуш хилар чоалхане исторически тӏахьехамаш тӏехьашка дита, иштта паччахьалкхен доккхий декхараш кхоачашдаь хилар. Келаматанаькъан Махьмуд-ӏаьлас аьлар, из бахьан долаш, мохк чӏоагӏбелар, шийна чура цхьоагӏо лорайир, дегӏаахара оагӏув хьакхеллар. Республикан Кулгалхочо Путин Владимир кхыча паччахьалкхенашта юкъе а цӏихеза кулгалхо ва, аьнна, белгалдир, цо кулгал деча ткъаь шера лоархӏаме дакъа дӏалоацаш хьавоагӏа из йоккхача политикан даькъ тӏа, вай заман халкъашта юкъера гӏулакхаш, Россе стратегически хургдар вӏашагӏдоллаш.
«Гӏалгӏайчен бахархошта лоархӏаме да ӏа республикан терко лоаттаяр, цун бахархой хьашташ кхоачашдеш хилар. Аз, се Гӏалгӏайчен Кулгалхо хиларах тарра, доакхал ду, Хьона тӏавена сай къамаьл де, республикан кхоане тоаяра хаттараш дувца таро хиларах. Тхона из духхьал оаха яхар дӏахазар хинна ӏац - из республика дегӏайоалаяра, керда таронаш хьакхоллара, Россе вахара тхоашкара дакъа юкъедахьаш хилара бехктокхам ба.
Гӏалгӏайче Россех дӏакъаста йиш йоаца цхьа дакъа да, цудухьа оаха кхетаду цун хургдолчун хьалхашка тхоай бехктокхам боккха хилар. Тхоай ӏадаташ лорадеш, экономика чӏоагӏъеш, вахара оагӏув дегӏайоалаеш, кагирхошта хьалаш хьакхоллаш, керда проекташ кхоачашъеш, вай мохк чӏоагӏбеш, дегӏабоалабеш оаха тхоашкара дакъа юкъедахь», - аьлар республикан Кулгалхочо.
Ше ловца боаккхаш, цо аьлар, Путин Владимир Владимирович могаш, хьинар долаш, Даьхен гӏулакхаш нийса леладеш хилар лов шийна, Росси дегӏайоалаяра накъаяргйола коталонаш, толамаш доахаш хила низ кхоачалба Хьа дӏахо а аьнна.
