Гӏалгӏайчен кулгалхочо дешархой даькъалабийцар Берий юкъарлой цхьанкхетарий Денца
Тахан белгалдеш да берий юкъарча цхьанкхетарий Ди, из цӏай хиларо вӏашагӏтох миллионаш бола шоай Даьхе езараш. Из да хьалхарчар, аьрзелгий, къонача эскархой, Коталон къонача волонтёрий, лорий-волонтёрий, иштта кхыча берий цхьбанкхетарий викалий цӏай. Из хьакхеллад мехка Президента могадеш, российски дешархошта йоккхий таронаш ялара.
«Маьтсела бетта 19-гӏа ди да доттагӏала, дикача гӏулакхий, шоайла новкъостал дара пионерий Денца тарлуш. Уж мах бараш тахан а берий цхьанкхетарашка дӏахо дахаш да кердача ноахало дӏахьош. Берий юкъарча цхьанкхетарий доакъашхой аьттув хилба сийрда вахар дӏадахьа, шоай низах тийша а болаш!
Гонахьарбараш гӏадбугаш, хӏара денна цхьацца кердадараш лохаш, уж вахара юкъедоаладеш дӏабаха низ кхоачалба цар», - аьлар Гӏалгӏайчен кулгалхочо Келаматанаькъан Махьмуд-Ӏаьлас. Республикан Кулгалхочо белгалдир берий болама новкъостал деш хилар шоашта тешшаме новкъостий лаха, тоабашца цхьана болх бе, деша, вай юкъарлонна накъадаргдола дика гӏулакхаш хьакхолла.
