ГӏалгӀайчен Кулгалхочо даькъалабийцар республикан экологаш
ГӀР Кулгалхочо Келаматанаькъан Махьмуд-Ӏаьлас даькъалабийцар ӏалам лорадара даькъ тӀара болхлой, экологаш; заповедника, хьун боахама болхлой; юкъарча балха хьинар гойтараш, берригаш а, Ӏалам лорадеш мел бараш Из хоам «Сердало» газетага бир Мехка кулгалхочун зарбан болх лелабераша.
«Даькъал дувц шо эколога Денца!
Ӏалам лорадар – из лоархӀаме декхар да, из кхоачашдарах тийша да вай ноахала хургдар. Гӏалгӏайчено доа ккхал ду ший тамашийнача Ӏалама мах барех: сий долча лоамех, хих, заповедника доазонех. Вай юкъара декхар да – из мах бола тӀехьале лораяр», - аьлар Келаматанаькъан Махьмуд-Ӏаьлас, ше ловца боаккхаш.
Цо белгалдир, ГӏалгӀай Республике 2026 шу экологе Шу аьнна хьакхайкадаь хилар. Из деррига деш да экологически культура лакхъяра, Ӏалама таронаш вахара юкъеяхара, доазонаш лорадеш тоадара, гонахьара Ӏалам лорадара.
Макшарипа Махьмуд-Ӏаьлас баркал аьлар массанена, цар хьамсара мохк дегӀабоалабеш керда толамаш дахарах, могаш хилар ловш ловца баьккхар царна.
