Мехкада: Республикан лоӏамхой - барт бола тоаба
Россе белгалдир лоӏамхочун Ди. Гӏалгӏайчен кулгалхочо Келаматанаькъан Махьмуд-ӏаьлас баркал аьлар Республикан волонтерашта, цар нахаца цхьана бала, гӏайгӏа дӏахьош, новкъостал деш, юстара боацаш, массанахьа дакъа лоацаш хиларах, эшача новкъостал бахка кийча хиларах.
Республикан Кулгалхочо белгалдир, Гӏалгӏайче лоӏамхой болам барт бола тоаба хилар. Мехка къахьегаш ба 13 эзар совгӏа тайп-тайпара ханаш яьнна нах, цар вӏашагӏтох итташ лоӏамхой цхьанкхетараш. Дӏадахача шера цар дӏайихьар 400 кхетаче, кхоачашйир 126 эзар совгӏа проект, иштта ӏомавир 300 хьинар дола балха новкъост.
«Оаша дер доккха, эшаш дола гӏулакх да - новкъостал ду халача хана наха, гӏо а терко а лоаттаю. Шун къахьегам лакха мах болаш ба. Баркал шоана шо юстара ца хиларах», - язду ший бувзама оагӏон тӏа Келаматанаькъан Махьмуд-ӏаьлас.
