Инарал-полковник волча Спиридонов Владимирца кхетаче хилар вай Мехкадаь
РФ къаман гварде эскара Къилбаседа Кавказерча Жукова орден лелаеча оагӏонна кулгал деш волча инарал-полковникаца Спиридонов Владимирца кхетаче дӏахьош хилар вай мехкада Келаматанаькъан Махьмуд-ӏаьла.
«Гӏалгӏай мехкарча кхерамзлен оагӏонцарча хьалах, нийсхо лоаттаярах дийцар цига. Къаьстта терко тӏайохийташ дийцар из хьал, дукха нах гулбеннача моттигашка, кхетаченашка лорадарах, тӏахьожам чӏоагӏбарах», - хоам бу Мехкадаь зарбан болх лелабераша.
Иштта вай мехка Кулгалхочо цига хьоахадир вай Росгварде оагӏонца тахан дӏахьоча балхах. Белгалде деза, Гӏалгӏай мехка тӏемхошца, бокъонаш лораяра тӏехьа къахьегарашца боккха лерхӏам болга, цар дӏахьоча гӏулакха хам белга. Росгвардейцаша кхоачашду декхараш аттачарех доацилга кхетадеш ба мехкахой, цунга хьежжа, мах баь варгвоацаш да цар наьха кхерамзле лораяр.
