Гӏалгӏайчен Кулгалхочун вӏашагӏкхетар хургда, Москверча экономикан Лакхерча ишкола студенташца
Гӏалгӏайчен кулгалхо Келаматанаькъан Махьмуд-ӏаьла лаьрхӏа ва бекарга бетта 15-ча дийнахьа вӏашагӏкхетар дӏадахьа экономикан Лакхерча ишкола студенташца, яхаш, дийцар «Сердало» газетага республикан кулгалхочун зарбан болх лелабераша.
«Москве балха гӏулакха вена ва со. Се укхаза волаш, аз лаьрхӏад экономикан Лакхерча ишкола студенташца вӏашагӏкхетар дӏадахьа, цар цхьацца долча хаттарашта жоп дала. Цу тайпара кагирхошца къамаьл хилар, сога хаьттача, лоархӏаме да - из да шоайла хозаш хилар, лоархӏаме темаш ювцар», - аьлар Макшарипа Махьмуд-ӏаьлас.
Цу кхетаче цо лаьрхӏад Гӏалгӏайче экономически дегӏаяра хаттараш дувца, республике проекташ мишта кхоачашъеш я, моттигерча политикан керттера хаттараш малагӏаш да царна довзийта, мехка къахьегама, кхоллама таронаш йовзийта.
