Гӏалгӏайчен Кабмина Кулгалхочо балха цӏайца даькъалабийцар почтан къахьегамхой
12.07.2026 18:26
Гӏалгӏайчен Паччахьалкхен Председатела Сластенин Владимира лаьрххӏа баркал аьлар почтан гӏулакха болхлошта, российски почтан Ди хилар белгалдеш. Из хӏара шера дездеш да Россе, кӏимарса бетта шоллагӏча кӏирандийнахьа.
«Хӏара денна почтан даькъа тоабо беш бола болх хилар бахьан долаш, ший ханнахьа нахага дӏакхоачийт лоархӏаме хьалаш, вахара оагӏонцара ахча. Из болх иштта вӏашагӏбелла хиларо таро лу экономически, вахара хьал республике дика лоаттаде», - аьлар Сластенин Владимира.
Гӏалгӏайчен Кабмина Кулгалхочо дег чура баркал аьлар дукхача хана денз почте къахьегаш хьабоагӏача наха, уж шоай балхаца иштта бехктокхаме хилар белгал а деш. Цо ловца баьккхар уж могаш, ираз долаш хилара тӏехьа.
