Гӏалгӏайчен кагирхой Комитета кулгалхо вахар, Шолже мехкагӏончий центр хьалъярга хьажа
Гӏалгӏайчен кагирхой гӏулакха йолча Комитета кулгалхо Пхьошанаькъан Зоврбик вахар Шолжа-Шахьаре, Россе хьалхарча Турпалхочун Осканаькъан Сулумбика цӏерагӏа Кагирхой мехкагӏончий центр хьалъяра болх мичахьа кхаьчаб хьажа. Из чудоагӏаш дар цу проекта тӏахьожама болх дӏабахьара, из хургья республикан хьинаре кагирхой вӏашагӏтохаш.
Дӏадахача шера аьтинга бетта, Гӏалгӏайчено гойтар кагирхой проект, «Кагирхой мохк» яхача программах котъяьннарашта юкъе хилар из. Гӏалгӏайчен дехар мехка дикагӏчарех цаӏ санна лаьрхӏар. Къаман проекта чудоагӏаш дола ахча дӏадохийтаргда кагирхой моттиг кердайоаккхаш.
«Россе хьалхарча Турпалхочун Осканаькъан С.С. цӏерагӏа Кагирхой мехкагӏончий центр» яха республикан АНО хьаелларгья 2026 шера Шолже. Гӏишло хургья 2105 кв. м., гонахьара доазув - 69 эзар кв.м.
Центре хьакхолларгья:
- интерактивни «БПЛА Лаборатори», иштта «Гӏеттар Академе» кабинет;
- «Магӏалбике лаьтта тӏом» яха зӏамига музей;
- 160 сага лаьрхӏа моттиг йола зал;
- тир;
-120 сага лаьрхӏа йола актови зал;
- спортивни зал, столови, кухни 70 моттиг йолаш;
-болхлошта лаьрхӏа кабинеташ, лорий пункт, КПП.
Белгал ма дарра, из моттиг хургья кагирхошта лаьрхӏа, цар шоашта ховш дар гойтара, дӏахо из кхоачашдара: укхаза кердадараш ӏомаде, уж дегӏадоаладе, мехкагӏончий гӏулакхашка дакъа лаца, керда наькъаш хьакхолла, шоай тоабанхой лаха таро хургья.
