Магӏалбика кхален администраце кулгалхочо нах тӏаийцар
Магӏалбика кхален администраце кулгалхочо Къоастой Ӏаддал-Хьамида аргӏанара нах тӏаэцаш ди дар. Цига доал дара даькъ тӏарча кулгалхочо бахархой хаттарашка ладийгӏар. Уж дувзаденна дар доазонаш тоадарца, доалахьен каьхаташ дахарца, лаьтташ даларца, наькъа ремонт е езаш хиларца.
«Сердало» газетага ма аллара, Юкъерча Ачалкхен яхархочун кхайкарал дар, шийна тӏера дӏа а даьккха, кхыча сага ший доалахьардар дӏадалара бокъо езаш, из хаттар цу моттиге кхоачашде таро хилар. Йоккхача Ачалкхен вахархочун дехар дар, ший цӏенна гонахьарча доазон тӏа лостам бар, из хаттар кхоачашдергда администраце говзанчаша, царна тӏадиллар цу моттиге дӏа а баха, цигара хьал довзар.
Заьзгакъонгий-Юртарча вахархочунна лаьтта далара хаттар бокъонах дий тохкаш хилар, - аьлар Къоастой Ӏаддал-Хьамида, уж хаттараш Гӏалгӏайчен доалахьен Министерствос леладу, цига дӏадахьийта деза цу сага ший хаттар.
Дола-Коа яхархо латкъаш яр наькъа хьалашта, кхален администраце кулгалхочо декхар тӏадиллар цу юртарча администраце кулгалхочоа из никъ тоабе.
Нах тӏаэцаш бола болх чакхбоалаш, Къоастой Ӏаддал-Хьамида белгалдир, моттигерча ӏаьдало терко лоаттаю хӏара вахархочун хаттара, царна новкъостал лоаттадара.
