Гӏалгӏайчен сага бокъонаш лораеча викала кхаь бера наьна бокъо меттаоттайир
Гӏалгӏайчен сага бокъонех волча викалга дехар дера Наьсарерча боккхача дезала наьнагара. Цо хоам бир, кхаь бера доагӏаш дола цаӏ долча пособеца дувзаденна нийсхо цахилара хаттар шийна хьалхашка этта хиларах. Цо иштта белгалдир, юххьанца из ахча хьахьожадеча хана, доагӏачул из кӏезигагӏа долаш моттиг нийсъялар. Цо яхачох, цун бахьан да, дезале цхьан сага доагӏаш дола ахча цар нийса цалархӏар - хила дезачул дукхагӏа лархӏар.
«Цу кхалсага новкъостал дара, этта хьал нийсача наькъ тӏа даккхара, сага бокъонех волча викала, Россе Вахара ганзе хаттар дӏадахьийтар. Тӏехьара тӏа из гӏулакх техкачул тӏехьагӏа, юха а хьежар цу каьхаташка. Цар чӏоагӏдир, хьалха дӏалаьрхӏа хинна дезалхошта хьатӏабоагӏаш бола пайда харцахьа хиннилга.
Из техкачул тӏехьагӏа, цу дезала доагӏаш дола ахча 100% хилар чӏоагӏдир, Гӏалгӏай Республикан берий вахара боарамга хьежжа. Хӏанз цу дезалерча хӏара бера боарамга хьежжа бола мах хьабоагӏа, иштта дӏаяхача хана хьа ца луш соцадаь хиннар а хьаделар», - аьлар «Сердало» газетага Гӏалгӏай Республикан УПЧ аналитически даькъе.
Наьсарен яхархочун хьалхашка нийсденнача хаттаро тешал ду, вахар хьаллоаца ахчаш хьахьожадеча балха даькъ тӏа из болх дикка терко тӏайохийташ бе безилга.
