Наьсарен-Шахьара поликлиниканна ӏалашбир вай заман кизга увттаду таьрахьий гӏирс
Наьсарен поликлинике лакха таронаш йола кизга увттаду гӏирс бера, «Унахцӏенон хьалхарча даькъ тӏара болх тоабар» яхача программанна чудоагӏаш. Вай заман таьрахьий кизга увттадеча аппарато таро лургья лазар гаьнадалале гучадаккха.
«Сердало» газетага Гӏалгӏайчен унахцӏенон Министерстве ма аллара, кердача аппарата новкъосталца кизга оттаде йиш я тӏехкашта, пхаьнашта, наькха улга - говзанчашта ховргда лазар дола оагӏонаш белгалъе, царна дарба де. Цул совгӏа, беррига хоам лорабеш хургба электронни кепара, цудухьа из хоам дӏахо а дарба дара дӏабахьийта йиш я.
Из гӏирс къаьстта накъабоалаш ба, пехкашца дувзаденна лазараш дика гучадахара. Цо сиха хьалох ший ханнахьа дарба эшаш дола кхайкор, иштта кхы дола лазараш.
Республикан дарбанчешка керда гӏирc баро таро лу дарбанчен балха даькъ тӏара хьал тоаде, республикан бахархошта шоаш бахача моттигашка дикал йола дарба лоаттаде.
