Мехкарча паччахьалкхен архиво бахархой къахьегама «стаж» меттаоттаеш гӏо дар дех
Нохч-Гӏалгӏай АССР шерашка болх беш хиннача тайп-тайпарча моттигий кулгалхошка лоархӏаме кхайкарал деш ба вай мехкарча Паччахьалкхен архива болхлой. Цхьацца бахьанашта тӏагӏолла шоай доалахьарча архивашка диса цу шерашкара бухгалтерски, кадрови каьхаташ паччахьалкхенга хургдолаш, дӏачудалар дех цу нахага.
Из гӏулакх тахан чӏоагӏа лоархӏаме хинна латт. Архива болхлоша белгалдечох, болх ца беш сайца йолча моттигашкара каьхаташ тахан доалахьарча архивашка дисад. Из бахьан долаш, цу хана къахьегаш хиннача сага цо болх бара тешал деш дола, цун алапех дола каьхат дӏадала вӏаштӏехьадалац тахан.
Пенсеца цхьацца болх дӏахьоча хана, мехкарча дукхача бахархошца нийслуш хӏама да из. «Паччахьалкхен архиве тахан уж каьхаташ цахиларо деррига а халача даьккхад. Цу ханашка болх баьча нахага чӏоагӏа дехар ду тахан, уж каьхаташ меттаоттадеш гӏо де, оагӏув хьаллаца, шоашка дола каьхаташ архиве дӏачуле.
Тахан чӏоагӏа лоархӏаме долаш эттад из гӏулакх», - белгалдир архива болхлоша. Лаьрххӏа сертификаташ денна белгалбергба шоашка диса каьхаташ архиве дӏачуденна нах. Исторически дагалоаттаме дакъа лаьцаргаш, боккхагӏбарашта гӏо даьргаш хургба уж нах.
