Гӏалгӏайчен Госавтоинспекце, юидхоша Эбарга-Юрта дӏабихьар интерактивни болам
Гӏалгӏайчен Шолжа кхален Эбарга- Юрта профилактически акци дӏайихьар наькъ тӏа нийслуш дола берашта машен тӏатохарах човнаш хилара хьал юхатохара. Из болх вӏашагӏбеллараш бар Россе МВД Госавтоинспекце региональни Урхаллен наькъа болама кхерамзлен хьал лорадара инспектораш, иштта болама къонача инспекторий дешархой тоаба активисташ.
«Дешархошта лаьрхӏа вӏашагӏдехкар наькъ тӏа нийслуш дола хьалаш, царна уж дикагӏа довзийта лаьрхӏа кхетам балара болх дӏабихьар. Иштта дешархой, полице болхлой наькъ тӏа арабаьлар, машинаца шоаш боагӏача хана, сакхетам болаш хилар водителашта хьалхадаккха. Массанена цар елар цу тайпара чулоацам бола буклеташ, хоамаш ду тӏалетаду каьхаташ», - аьлар «Сердало» газетага республикерча Госавтоинспекце.
Боахама викалаша берашта довзийтар, бокъонца дола масалаш а гойташ, кхалера аварийни хьал, иштта царна хьалхадаьккхар наькъа малагӏа бокъонаш ха еза: гӏашлой никъ нийса лелабар, мобильни телефонаш дӏаяхар, баьдеча къегаш дола гӏирсаш леладар.
«Тха керттера декхар да берашта нийсадар хьалхадаккхарал совгӏа, наькъа кхерамзлен бокъонаш лелае, хӏара дийнахьа уж дагалоаттае царна новкъостал дар. Бераша кхетадергдолаш дӏахьехаш хилча, цар а шоай оагӏорахьа из дикагӏа дӏалоац, цул совгӏа уж цу инспектора балха юкъе дакъа лацара тӏера хул», - аьлар Госавтоинспекце Урхаллен викала Берсенева Людмилас.
Дешара урхаллен администраце тӏатехар, цу тайпара урокаш яларо берий бехктокхам лакхбу, цул тӏехьагӏа цар шоашта ховш дар шоай дезалашца декъ, ПДД лоархӏаме хилар даьшта-ноаношта хьалхадоаккхаш.
