ИЗО Паччахьалкхен музейс дӀахо дӀахьу, «Суртанчацара делкъар» яха проект
ГӏалгӀайчен исбахьален искусствай Паччахьалкхен музее, «Суртанчацара делкъар» яха аргӀанара кхетам балара передача дӀаязйир, «Магас» яхача къаман телекомпанеца цхьана. Цига хьаьша яр Хамхой Лида - из я кулгаговзал йола саг, цун кхоллама чудоагӀаш да гӀалгӀай къаман Ӏадаташ, искусство.
«Ахьмада Лидас дийцар ший кхолламах лаьца: ше мичахьара дӀайолаелар, балхаца безам мишта чубессар, къаьстта къаман тӀабувхабу гӀирс бара даькъах, тахан ше доаккхал де йиш йолча наькъага мишта кхаьчар. Лидас дег тӀара доагӀаш дийцар, дӀадоладаьр кхоачашде дезарах, ший балхах дог ца эккхаш хиларах, шийна хьалхашка нийслуш хиннача халонех. Цо иштта дийкъар шийна ховр, дика накъадаргдола хьехар деш. Цу тайпара къамаьл деш хиларо сапаргӀатадоаккх, балха говзал а начӀал а хьаэца безам хул», - аьлар «Сердало» газетага музее.
«Суртанчацара делкъар» яхача проекто лорабу культуран дагалоаттам, иштта дӀакхоачийт дукхача нахага. Из кастлуш гургда «Магас» НТРК телеканале, бахархой таро хургья гӀалгӀай къаман культуран мах бараш дикагӀа довза.
