«Суртанчацара делкъар» яхача кхетачен хьаьша хилар Доврбиканаькъан Баширах
ГӏалгӀайчен Паччахьалкхен исбахьален искусствай музее аргӀанара «Суртанчацара делкъар» яха музея-телевидене аргӀанара программа дӀайихьар. Проект кхоачашъеш я «Магас» яхача Къаман телерадиокомпанеца цхьана, «Пушкински карта» оалача федеральни программо хьал а лоацаш. Укх наькъа дӀахьош йола кхетаче ший тайпара хилар, цо дӏакъайлар дӀадодача шерара программа. Тӏеххьарча, 2025 шера дӀахьоча программа хьаьша вар Доврбиканаькъан Башир - ГӏалгӀайчен халкъа суртанча, Россе суртанчий Союза доакъашхо.
Кхетаче дӀахьош, цо жоп делар дукхача хаттарашта, уж дувзаденна дар цун кхоллама наькъаца, сага вахаре искусствон лоархӏамах. Къаьстта терко тӀаяхийтар Халита Башира дӀаболалуш болча суртанчашца деча къамаьла: цо профессиональни хьехамаш дир царна, иштта дийцар халонашта духьалъотталуш хила безарах, массайолча хана Ӏомалуш, дешара тӀакхувш хила безарах, гонахьара дуне зе дезарах. ПаргӀата къамаьл де а, шоайла хаттараш дала а, царех пайда эца а таро хилар цу кхетачене. Искусствох дола къамаьл атта дӀадодар, хӀара доакъашхочун хеталора ше культуран цхьа оагӀув болаш санна», - аьлар ГӏалгӀайчен ИЗО Паччахьалкхен музее «Сердало» газетага.
«Суртанчацара делкъар» яха проект эшаш я, цо гаргайоалаю искусство, дикагӀа из йовзийт. Укхаза суртанча вахара оагӀув йовз, цо юкъарлон малагӀа пайда бахь ха йиш я, культуран мах бараш довз, иштта ха йиш я таханарча заман сурташта юкъе малагӀа къаман Ӏадатий оагӀонаш юкъе йоах.
«Пушкински карта» яхача программо кагирхошта хьаелл таро, цу тайпарча кхетаченашка дакъа лаца, цигара довз республикан мах бараш, цар тӀехьале.
