Чувашера баьхка хьаьший дакъа лоацаш хилар Гӏалгӏай мехкарча фестивале
Гӏалгӏайчен ишколашка дӏахьош я республикан Миннаца вӏашагӏъехка Россе халкъа цхьоагӏон Шера хетаяь «Цхьоагӏон урокаш», яхаш, дийцар «Сердало» газетага.
«Укх наькъа, Наьсарен шахьара цхьоалагӏча ишколе дӏадихьар йийллача наӏарий Ди, иштта «Доттагӏала наькъашца» яха фестиваль. Цӏай дӏахьош дакъа лоацаш бар мехкашкара кагирхой, Чувашерча «Машара цӏа» яхача юкъарлон (МРМОО) викалаш, иштта «Къайле» яха вокальни ансамбль», - аьлар хоамо.
Из сийрда цӏай дӏахьош, концерт делар СВО доакъашхой хьаллоацаш. «Машара цӏа» яхача МРМОО гӏалгӏай отделене викалаша дӏаелар бӏухошта дӏаяхьийта кийчъяь хӏамаш.
Иштта безаме говзанча хьехамаш дӏадихьар, Гӏалгӏайчен дагалоаттама моттигашка баха хилар, вай хоза ӏадаташ, мах бараш дайзар.
Россе тайп-тайпарча миӏингашкара кагирхой вӏашкаозаш, цу тайпара кхетаченаш дӏахьош хиларо таро лу, кхувш йоагӏача тӏехьенна вай дукха къамаш дахача боккхача мехках доккхал де.
